يالله يا فكّاك حبل المناشيب | |
|
| تدعي طريق الخير مفتوح بابه |
|
يا عالم الحالات والسد والغيب | |
|
| ياللى على خلقه مضفّي حجابه |
|
طالبك يا ربي وطالبك ما يخيب | |
|
| عني ثقيل الذنب تمحي كتابه |
|
تبري عليّ من الوزا والتعذيب | |
|
| ومن كل جحيم ٍ سنوها بالتهابه |
|
نهار كود الناس عند الحساسيب | |
|
| من يوم ما كل ٍ يأدي حسابه |
|
قل له: على نرجيه فوق السلاهيب | |
|
| مدّ السلايع ناقلات الحرابه |
|
يبغن عقيدٍ والي الشور حرّيب | |
|
|
واحذرك من بيته ضعيف التراتيب | |
|
| يمحنك في الشطّات عند الضرابه |
|
هذاك ماله في الجميله مطاليب | |
|
| لا جاد في شيبه ولا في شبابه |
|
تلقاه من خس الأمور الدباديب | |
|
| لى نافخ ٍ جوفه ومازر إيهابه |
|
نقرى علوم السر في قلوبنا غيب | |
|
| وكم ٍ غريب ٍ سدنّا ما درى به |
|
العز مسناد ٍ دروبه متاعيب | |
|
| أدنى العرب لو من تمناه جابه |
|
ما برح إلا غافها والمحاضيب | |
|
| في جارح الوادي وباقي ترابه |
|
ومن سار عن داره ترى ذاك هوب عيب | |
|
| العيب من يسكن ودسّوا رقابه |
|
تمّت خلا ديرانها من المعازيب | |
|
| تمّت تبابه وانتهت لي عدابه |
|
وقفيت من داري بكود ٍ وتغصيب | |
|
| مقفي ولا لي متلويّه عقابه |
|
ساير أدور غار ولقيت لي ذيب | |
|
| وبنيت بيتي تحت عش العقابه |
|
عن المذله والربع والمهازيب | |
|
| جينا إلى ديرة صقور المهابه |
|
لى حاميين ديارهم بالتغصّيب | |
|
| وبزرق عيدان ٍ تعوّي حرابه |
|
نعيم خضران السيوف المحاديب | |
|
| أهل الوفا والسمت وأهل الصلابه |
|
لى صفّهم من حوز بلد اليعاقيب | |
|
| الى الشارقه منقاد سور ٍ حجابه |
|
أهل المعزّه والحصون المناصيب | |
|
| قبّاضة ٍ للسيف قايم نصابه |
|
وحصونهم هجن ٍ طوال الأغاريب | |
|
| وكم من صبي ٍ حرمنّه شبابه |
|
عسى وطنهم من هميل السحاحيب | |
|
|
والعشب يزخر في سيوح وعراقيب | |
|
|