تاريخ الاضافة
السبت، 8 أبريل 2017 12:18:00 م بواسطة محمد ابو يوسف
0 281
على دلعونا
على دلعونا غابوا الحبايـــــــــب
من يوم ماغابوا الفرح غايــــب
سهم فراقهم ف القلب صايــــب
يا خوفى يا قلبى يكونوا نسيونا
على دلعونا وسوريا أميره
غزتنا أبدا ما تكون أسيره
قلوبنا فيها وعيون بصيره
بتحبك قلوبنا قبل العيونا
على دلعونا راجعين يا ضفه
حتى لو كانت قلوبنا نازفه
يا أهل غزه بلادنا عازفه
لحن العودة وتمشى السفينه
على دلعونا جايين حداكم
حنحارب صهيونا ونكون معاكم
ونطهر أراضينا ونكون فداكم
وهنفضل ليكم مادين أيدينا
على دلعونا وشعبى صامد
عرب ما جونا وقلوب جلامد
يا غزة نفديك بايد وساعد
وهنفضل ليكى مادين ايدينا
على دلعونا والعين عليكو
يا فلسطينيه ايدنا ف ايديكو
أرض العروبه تتحرر بيكو
ونبارك ليكو النصر ولينا
على دلعونا والحق غالب
واللى نسيونا والعدل غايب
مهما سابونا والظلم صايب
الرب لينا وحنون علينا
على دلعونا وجداركو العازل
مهدود عليكو وتنزل نوازل
هنحرر بلادنا ولم نتنازل
وف مسجدنا الأقصى راح تلاقونا
على دلعونا وحكامنا باعوا
تاريخنا كله وشعوبنا جاعوا
والشعب وحده بيخوض صراعو
وقفوا معاهم وليهم سابونا
على دلعونا والجرح رايح
واللى قتلونا بشار وصالح
واللى نسيونا عشان المصالح
جامعتنا العربية جارت علينا
على دلعونا والثوره غايه
واللى قتلونا هم الضحايا
والأمة ضاعت ومش كفايه
عايزينا نسكت ونقول آمينا
على دلعونا والأمة ماتت
ودماء أطفالنا ع السكة باتت
واللى بيحكمنا تمللى ساكت
فى رابعه وف خان شيخونا
إسم الشاعرإسم الكاتبالبلدإسم القسمالمشاهدات
محمد ابو يوسفمحمد ابو يوسفمصر☆ دواوين الأعضاء .. عامِّي281