إبلاغ عن خطأ
ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك
انتظر إرسال البلاغ...
|
حد فاهم إيه اللي حاصِل؟ |
إيه النواتج والحواصل؟! |
كل حاجة فيها ريبة |
كلها أفعال مريبة |
يكونش فيه شِبه اتفاق؟ |
معقول حبيب يبيع حبيبة؟! |
طب ليه ظهر في ربيعنا فجأة .. |
فوضى خلاقة وغريبة؟! |
ليه الميادن تترش كُره |
وزهرها وحدُه اللي يدفع كل أشكال الضريبة؟! |
الزهر ع الإسفلت ينزف |
يسحِلُه ليل البلادة |
مش غريبة مش مريبة؟! |
ما سمعنا ورأينا .. سواد وغِيبة |
يااااااه يا دنيا |
مش كافيكي .. فورة الدم اللي فيكي |
ياااااه يا مؤمن |
يلزمك كام لتر منا .. |
لجل تترستأ وتجلس؟! |
ليه ابتسمت في البداية وقلت وحدة؟! |
يومها كدبنا ظنوننا |
وقلنا إحنا .. إحنا وانتم حاجة واحدة |
دي الحقايق مش خيال |
سؤال .. إجابته عندنا |
بس لازمن م السؤال |
سقيتوا ليه حلم العطاشى بالآمال؟! |
الله .. دي ثورة |
حلوه حلوه |
يالله ارجعوا |
مش شفتوا ثورتكوا ارجعوا |
ه نحُط ثورتكوا ف زكِيبة!! |
عن نفسي .. |
مش شايفة ف شريط اللي صار حاجة غريبة! |
مسرح دُمى مآنتمة لخيال مآته |
مريونت يوتيوب ونت |
ناسيتنا نفرح بالولادة |
لا ما انتهت |
يادوب بدت |
أكشن وصَوَر للإفادة |
هات هات يناير في الإعادة |
هيوليود هِنا |
منتج |
وكومبارس بفِزيتا |
ومخرج مساعد |
يرسم مناورة |
في محيط ميدان مع ليل جبان |
يا ليل مُدان .. صَبارنا نَبِت في الميدان |
لا مَلْ ولا .. كَلْ انتظار |
وما دارهناك عَ الناحيتين |
إصرار |
وقابلُه عِيب وعار |
يا صابرة لا تتأسفي |
زي ما ف أرضك عطب |
نوار ميادانِك عفي |
والمُحتفي بلهوُه الخفي |
لُه يوم ويظهر .. مهما حاول يختفي |
ويا ديب بتحرُس الطيور |
الطير نفض ريشُه خلاص من بيعتَك |
أعْلَن ولائه للميدان |
وبراءة منُه محبتك |
صاحب بالين كداب |
بلاش من دين سياسي |
اللي وذك .. أذاك |
وعار |
يا بايع القول |
ما تلفش حبال ع الحق بالمعسول |
حَتكَمِل الشمس الدّوار |
دا أحلى صفحات التاريخ |
من يومُه لما الحين |
ميدان .. نَبَت غصون ثوار |
نبِت النوار |
وطول ما فيه في النفق |
بصيص والميدان سهران .. |
مِ الصعب ننسى يناير |
الحلم والجدعان |
دا ما فيش فرعون .. |
سد طاقة شمس |
أو للنور يصيبُه |
الشهيد .. الله حبيبُه. |