عناوين ونصوص القصائد   أسماء الشعراء 
الشعراء الأعضاء .. عامِّي > مصر > سيدة الشولي > فلسطين .. وحوار مع أبويا هناك

مصر

مشاهدة
450

إعجاب
0

تعليق
0

مفضل
0

الأبيات
0
إغلاق

ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك

إرسال
انتظر إرسال البلاغ...

فلسطين .. وحوار مع أبويا هناك

اصحىَ يَابا وشور عليا
الأمانة برجلتني
وطيرت نومي ف عنيا
دوختني بِحِمْلهَا ف ليل المنافي
تِقْلِتْ الأحمَال يا بويا
بين رموشي وجوه قلبي وفوق كتافي
حلم قاسي ما يحملُه غير اللي قادر
وبمشال الحلم عافي!
مش ضعيفة ما بين رحايا!
رايحه جايه
أطحن الصخر وأوِتْ بيه ضنايا!!
قولي يابا: أنهو أولىَّ؟
فسحايه مِ الأرض تِلَملِمْ لحمياتَك؟!
والا لُقمة وهِدْمَة حَ تستر ولادَك؟!
اختيار الصعب
أصعب منُه حيرتي
ما بين حمولي وذكرياتك
أنت فاكر يوم وفاتك؟
لما شيلت من كتافك الوصية؟
يومها ما قدرتش أعارضك
قُلت: بنتَك
يبقى فيا مِدَاد لِحلمك
من يوميها وحافظة عهدي ..
وجهدي بيطاحِن ف جهدي
كان بودي ..
دابت الخطوات ف دربي
وصبرك الموصول بصبري
لملم المِخلة اللي شايلة
خارطة النخوة العليلة
تعمل إيه حيلتي قُصَاد .. حِواه القبيلة؟!
تعمل إيه حيلتي قصَاد أرحام بخيلة؟!
تعمل إيه حيلتي وأنا ما بيدي حيلة؟!!!
قاسية الحياة وماكرة السنين
ضحكت عليا وسرسبت
من بين ايديا كل عمري وكل جِهدى
لا .. ما تفهمني غلط
ده مش تمَلص أو لا سمح الله .. حوط
مين غيرَك أنتَ أشتكي لُه بؤس حالي؟!
مين حيفهم لما أفضفض ويا مِنُه شيء ف بالي؟!
رغم ضيقتي والصمت اللي جاري
اتفاقنا يابا لسه ساري
اتفاقنا يابا لسه ساري
واللي ينهي لتفاق .. هووه الفراق
عَمَاله أعافر لَجْلْ أعيش
ولَجْل هيّه كمان تعيش
والحديت اللي قُلتوهلِي زمان
وصية مماتي من جيل لجيل
لَجْل يبقى ما ينتهيش
بس عَدَىَّ العمر عدَىَ
والميعاد ده مش ميعادنا
اللي بَعَدَك عني يابا مِنِي قَرَّبْ
مِنُه مين يقدر ويهرب؟!
لا ... ما تزعل
ورحمة أمي لا .. ما تزعل
مش تَخَلِي أو فشل
السنين عملتها فينا
انتهينا وما انتهينا
شيلت ذنبك ويا ذنبي
قلت حَ أمشي من غير ما ألبي؟!
حَ ألقى مين بعدي يلبي؟!!!
طب وان لقيت؟!
حَ يفتكر أصْلِي وفَصْلِي؟!
والا حيحِسَك بحِسِي؟!
يحبها .. بحُبك وحبي؟!
ادعي لها يابا
تنفك مِ الآسر اللي فيه
ويفك آسري
ضاع يا والدي العمر مني
وكل خطوة بتبكي آه؟!
صعبه الحياة!
لِسّه من تاني حَ أوصي عليها؟!
يااااه
سيدة الشولي
بواسطة: سيدة الشولي
التعديل بواسطة: سيدة الشولي
الإضافة: الأربعاء 2017/05/10 03:25:43 صباحاً
التعديل: الأربعاء 2017/05/10 03:41:59 مساءً
إعجاب
مفضلة
متابعة

أضف تعليق

يجب تسجيل الدخول أو الاشتراك أو تفعيل الحساب اذا كنت مشترك لإضافة التعليق


أعلى القصائد مشاهدة للشاعر
أعلى القصائد مشاهدة خلال 24 ساعة الماضية
انتظر معالجة القصيدة ...
جميع الحقوق محفوظة لبوابة الشعراء .. حمد الحجري © 2005 - برمجة وتصميم
info@poetsgate.com