عناوين ونصوص القصائد   أسماء الشعراء 
الشعراء الأعضاء .. عامِّي > مصر > سيدة الشولي > ما تفكرش

مصر

مشاهدة
245

إعجاب
0

تعليق
0

مفضل
0

الأبيات
0
إغلاق

ملحوظات عن القصيدة:

إرسال
انتظر إرسال البلاغ...

ما تفكرش

عشان ما تسيء في تفكيرك
لأم وريدها من نيلَك
بدال ما تزيد في تمجيدها
ف ليل ونهار تِعَتِتها
سؤالي بريء:
سعادتك كام سنة عندك؟
ما شفتش قبلك الأجيال؟
ما حدش قالك الأحوال؟
لا شُفت حروب ولا أهوال؟
زمان .. كان قاسي أو كانشي
فإيه لما الحياة تصعب؟
وإيه لما سنين تتعب؟
سعادتك ايه؟
لو ان يفرِق معاك الحال
وتجرح فيك كتير لحوال
في رأيك يسوى ايه الكون
قُصاد طاعة .. وولاء .. ووفاء
لنبت حلال؟
أكيد في الوزن ما يسوي ..
لا جوع ولا مال
ولا نِقمة على الأحوال
وتصبح عاق .. بِسَبْ ولَعن وشمَاته
سُباب في سُباب!
تقول لي جراحي مش هَمَك
تقول: غَمِست من دمَك
ووازن هَمِي غير هَمَك؟
تقول دَابحَاك؟
ومين يا أهبل .. فيه ليا سواك؟
تقول عَ الغلبة واللقمة
وناشفة العيشة والزحمة
ما فيش انصاف ولا رحمة
وتنكر حقي ف منابك
وفي عَلامَك
وفي الجِتَة اللي رَبيتها
عشان قَصَرت فيك كام يوم ..
ولا جِيبت ف غداك لحمة؟!
طب أعمل ايه؟
وأنا اللي زرعت ما حَصَدتش ..
غير ابن الايه
سليط الكلمة والبسمة
تقول: جِله على راسك
فين الجلة؟
تعالى شوف بلاد الشام
وشوف بغداد
منين تمشي تلاقي هباب
تلاقي ضنين تلاقي عذاب
حتدمع عينك الفافي ..
ساعة تلمح مصير العز والأحباب
تقولي كابوس
تقول داقت بيك الأحوال
صحيح اللي ما بيحسّش
ولا يِوِنِّش عن التنبيط .. مش ابن حلال
مهو انت يوماتي تتكلم
ومين يسمع؟
يقول عنك حرام في حرام
بتِتكلم .. وبتنبَط
وتتريق .. وكل عزيمة بِتْهَبَط
وأنا تِدمَع عيوني عليك
أقول أسكُت
وأقول يمكن .. في يوم يرجع
يفوق عقلُه
يفُوق حِسُه
يِرَاجِع .. نَفسُه مع نَفسُه
مالوش لازمة
تعيب ف أمك
د أنا أمك .. يا حيلتي الغالي
وف أزمة
ولو قالوا عليك كلمة .. تخُدني العِزة والهِمة
وأقول وَلدي
وف الشدة أكون سندَك
وأسدي تكون وأنا ضعفان .. يا راسمالي
فلو بخوا في ودنَّك شيء
من الواجب .. ترُد الغِيبة والنِقمة
وتهجِيهُم
وبلدَك تبقى ف العالي
بترقيعة جلابيتك
بفتفوتة صحون بيتك
تَاكُلها وتِحْمِدْ النِعمَة
أه والنعمة .
أنا صادقة
سيدة الشولي
بواسطة: سيدة الشولي
التعديل بواسطة: سيدة الشولي
الإضافة: الأربعاء 2017/05/10 03:35:38 صباحاً
التعديل: الأربعاء 2017/05/10 05:30:18 مساءً
إعجاب
مفضلة
متابعة

أضف تعليق

يجب تسجيل الدخول أو الاشتراك أو تفعيل الحساب اذا كنت مشترك لإضافة التعليق


أعلى القصائد مشاهدة للشاعر
أعلى القصائد مشاهدة خلال 24 ساعة الماضية
انتظر معالجة القصيدة ...
جميع الحقوق محفوظة لبوابة الشعراء .. حمد الحجري © 2005 - برمجة وتصميم
info@poetsgate.com