عناوين ونصوص القصائد   أسماء الشعراء 
الشعراء الأعضاء .. عامِّي > مصر > سيدة الشولي > بتنادي لمين ؟

مصر

مشاهدة
264

إعجاب
0

تعليق
0

مفضل
0

الأبيات
0
إغلاق

ملحوظات عن القصيدة:

إرسال
انتظر إرسال البلاغ...

بتنادي لمين ؟

أنتي .. يا دايماً فاكره ولادِك
اللي أذَاكِي واللي أفادِك
صعب تلِمِي النَبت الصالح ..
ويّا الباطل
غيرِك شَدُه
لما لاقاه في غيابك عاطل
باطل آه ..
وساند رأيُه كمان على باطل
باطل آه ..
وكله ولاء لليل الباطل
وأنتَي جريحة .. عليلة .. ذبيحة
شايفه ما نابك؟!
سايبه زمام العفو يطاطي وفاتحه أبوابك؟
فيكي عيال .. نازلين طالعين ..
ييهروا بحقد وحس ضغين
كله افترا .. أكاذيب أكاذيب
بذبيبة وسِبْحَة وعِدة نَصب
بالجهل .. ف سكة ترهيب
دُمىَ مرسومة ف صورة بومة
على مين بتنادي؟
وأنتي اللي صلابتِك من طِينك ..
والصبر الساكن جوف نيلك ..
جوه تاريخك .. يحكي حنينك
بلاش تتساهلي مع العَاصيين
دول وَصمة عار .. قلوبهم سُودَة ومَعمِيين
والأرض دي عرض
وبايع عرضُه ..
حيفرق إيه عن جوز المِثل
قُرني لعين
إن رايده جواب
رجالاتك صح ..
هُما اللي صانوكي
رجالاتك صح .. هُما اللي شالوكي
بجد بجد ونجدوكي
ضَمَدُوا جرحك
على كوبري أرواحهم عَدُّوكي
واحتملوا النار
دُول الأبطال
وعيال الجبّة والقُفطان ..
ان صانوا جمايل الأوطان
فالدم الساكن في عروقهم .. إذا حد ما بينهم ..
وداس الكدب ف أفكارهُم ..
يبقي ما بينا عمار ف عمار
وعيال الرقص على السلم .. أُمات دِمِل ..
مفقوع عَمال كدا على بَطال
خليهم .. يتقَلُوا في زيتهم
الغلطان بالتأكيد بيتهم ..
الغفلان عن خَلَف العار
خوارج عصرِك وزمانِك
خلوا شهيدِك ..
بَختُه.. من بَختْ يسوع
صلبوه وحرقوه
بتنادي لمين؟
دأنتي الميادين .. أنتي الميامين
أنتي غصون العمر الواهب .. زهرُه الراهب ..
يندَه فجرُه بشوق وحنين
أنتي الأقمار اللي بتطلع ليل ويا نهار
أنتي الأنوار اللي نشوفها جوات الليل
دافعه الروح مع كل عِيار
أنتي الإصرار اللي بيهزم مستحيلات
وسواد ودموع ومرار
وجهاد عَ الباطل والملاعين
بتنادي لمين؟
وأنتي اللي ورُودك من عودك ..
بيصلوا الفجر ويدعولِك
وإن نزفوا المِسك بإصرارهم ..
تتعطر فيك ميادين الشوق
وِتنَبِتْ تاني زهور نوار
يكفاكي نِدا .. يكفاكي دموع
صحيح للموت طول عمرُه خشوع
وخضوع ..
لكن ممنوع .. تِتسامحي ف دم ..
ودا الموضوع
ممنوع .
سيدة الشولي
بواسطة: سيدة الشولي
التعديل بواسطة: سيدة الشولي
الإضافة: السبت 2017/05/13 01:43:11 صباحاً
التعديل: الأحد 2017/05/14 03:54:16 مساءً
إعجاب
مفضلة
متابعة

أضف تعليق

يجب تسجيل الدخول أو الاشتراك أو تفعيل الحساب اذا كنت مشترك لإضافة التعليق


أعلى القصائد مشاهدة للشاعر
أعلى القصائد مشاهدة خلال 24 ساعة الماضية
انتظر معالجة القصيدة ...
جميع الحقوق محفوظة لبوابة الشعراء .. حمد الحجري © 2005 - برمجة وتصميم
info@poetsgate.com