عناوين ونصوص القصائد   أسماء الشعراء 
الشعراء الأعضاء .. عامِّي > السعودية > خالد الهدباني > مثل الكتاب

السعودية

مشاهدة
425

إعجاب
1

تعليق
0

مفضل
0

الأبيات
0
إغلاق

ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك

إرسال
انتظر إرسال البلاغ...

مثل الكتاب

من عاب بالأجواد زوراً وبهتان
لابد ما ترجع عليه المعابه
ومدحً بلا فعل وشواهد وبرهان
مثل صلاة اللي عليه الجنابه
ورجلٍ ما غير بشكل وهدوم ولسان
سيفٍ بلا شذره جميلٍ نصابه
وبيتٍ مبانيّه على غير سيسان
خرابه .. وما تحط وسطه خرابه
وعدو ربعه بالنمايم والإفتان
خبلٍ يولّع جمرته في ثيابه
ومن لا وضع هرجه على كف ميزان
ما له مع الأجواد قدر ومهابه
والصبر زين إلا بمهونه وحقران
صبرٍ على الحقران ما منه ثابه
ومن لا خذا قسمه من هموم وأحزان
مثل الكتاب اللي بليّا كتابه
وأوراقه البيضاء تنبي بنقصان
لو عاش عمر شعيب مابه لبّابه
وترى حياتك للتجاريب ميدان
والوقت لو تأمنْه .. كشّر بنابه
وترى الخطا وارد ومن طبع الانسان
و لولا الخطا .. محدٍ يعرف إجتنابه
إنشد وتلقى العلم من راس شيبان
نصايح الشايب .. خطايا شبابه
خالد الهدباني
التعديل بواسطة: خالد الهدباني
الإضافة: الجمعة 2017/05/19 02:02:07 مساءً
إعجاب
مفضلة
متابعة

أضف تعليق

يجب تسجيل الدخول أو الاشتراك أو تفعيل الحساب اذا كنت مشترك لإضافة التعليق


أعلى القصائد مشاهدة للشاعر
أعلى القصائد مشاهدة خلال 24 ساعة الماضية
انتظر معالجة القصيدة ...
جميع الحقوق محفوظة لبوابة الشعراء .. حمد الحجري © 2005 - برمجة وتصميم
info@poetsgate.com