تاريخ الاضافةتاريخ التعديل
الإثنين، 23 أكتوبر 2017 03:53:58 ص بواسطة غازي بن عاليالأربعاء، 25 أكتوبر 2017 12:18:33 ص
1 182
نوت الدفينه
ياصاحبي حال الكثيرين مشئوم
صارت مواجعهم همومٍ تبارا
ياليت تدري عن هوى حال محروم
ماكان خليت المعاني حيارا
اكتب معاني ضيقتي قاف موسوم
حتى غدى حزني بجوفي مزارا
متجمعه بـ افواجها كنها سهوم ..!؟
سهومٍ جحافلهم تتابع / تدارا
اخطها وانا من الضيق مهموم
و أقول ياعزي لـ حال الفقارا
الي امانيهم على ناظري دوم
تكتب وطن والفقر عمْ الديارا
وش حيلتي ياجوع قاسي ومعدوم
وين الامل لا قـلـت عنهم توارا
ديسمبر الايام اقبل مع الحوم
يطلب مثل نوت الدفينه مثارا
وين الدفا من رجفة البرد ياقوووم
لله ياهل الخير هل من إزارا
يدفي من الاوجاع يومٍ بعد يوم
وتغفي عيونٍ تحت ليل السهارا
وحنا على هالحال والراي مهدوم
إنـجـدف الامال لـيـل و نهارا
وين الحقيقه تعتلي ترقب إنجوم
والا الحقيقه في زمنا خسارا
إعلامنا يمناهـ للضد محسوم
ولـ مواطنينه مدّ تالي يسارا ..!!
للحق مايكتب سوا شي مذموم
و للباطل العارم يصوت جهارا !!
نسكت خجل من دون لانذكر علوم
من خوف لاتدمع عيون الصغارا
نطلب من الله بالفرج جملة غيوم
لا هلْ ديم الخير عمْ الخضارا !!
عسى معا الايام نعتاش و نقوم
وننفض من الماضي بقايا الغبارا
إسم الشاعرإسم الكاتبالبلدإسم القسمالمشاهدات
غازي بن عاليغازي بن عاليالسعودية☆ دواوين الأعضاء .. عامِّي182
لاتوجد تعليقات