تاريخ الاضافةتاريخ التعديل
الثلاثاء، 24 أكتوبر 2017 06:57:36 ص بواسطة غازي بن عاليالأربعاء، 25 أكتوبر 2017 12:30:24 ص
0 238
كيان الروح
سألتك ياكيانن ساكنن في داخل الأعماق
علامك .. مبعده .. عني ضلوعي حيل بردانه
تعالي يانظر عيني .. انا في داخلي مشتاق
أسولف بك على .. نفسي تقول اليوم ولهانه
الا يامهجتي ..لدي كذا ..حالي وصوف إدقاق
نشف جلدي على عظمي من التفكير ومعانه
كتبت احساسي الذابل على طيفك مع الاشواق
وانا ادري حبك .. ابروحي ثقيلن حيل ميزانه
وانا ادري ( يابعد حيي ) غلانا داخله ميثاق
أغني بك / تغني بي / قصيده .. زانت ألحانه
أناظر بك .. سما فكري مخيله دايمٍ براااااق
مطر / روحي على برقك يخيل الغيم وأمزانه
تنقى بك حنيني حب وعشعش داخل الاحداق
تزيّن شوفك .. بـ عيني .. على لولك و مرجانه
على بحرك سفن روحي تناجي حزة الاشراق
لجل لا بان لي صبحك عشقت الصبح وألوانه
و أنا كلي فدا روحك .. حبيبي و الجفى حراق
الى منّك .. هجرتيني .. يزيد الشوق .. نيرانه
هِنا .. عمّرت بك داري هِنا شمّختك الآفـاق
هِنا حبك وطن روحي حنين إعضاي سكانه
إسم الشاعرإسم الكاتبالبلدإسم القسمالمشاهدات
غازي بن عاليغازي بن عاليالسعودية☆ دواوين الأعضاء .. عامِّي238
لاتوجد تعليقات