تاريخ الاضافةتاريخ التعديل
الثلاثاء، 24 أكتوبر 2017 08:59:26 م بواسطة سلطان القنيديالخميس، 5 سبتمبر 2019 05:26:50 ص
2 231
مـصـدر الإلهام
يـثـوع الـقـصـيـد لخـاطـر الـشـاعــر المقـدام
مـثــل مــا يـثـــوع الــحــر لـحـــانــت مهمّه
يسـوق الجـزايـل سـوق مـن مـصـدر الإلهام
وتـجـلــى عـــن الـمـحـزون ضـيـقـاته وهمّه
يـقـولــون راع الـجــزل يـبـقــى مــع الأيـام
وانـا اقــول راع الـجــزل فـي عــالـي القمّه
تــوارد عـليّ افـكـار حـــارت بـهـا الأقــلام
مـثـل عــد مـا احــدٍ بـاللـيـالـي وصـل جمّه
عـلـيـهـا مـن اسلــوبي مـثـل بصـمة الإبهام
تـمـيّــز لـصـــارت كـــــل الافــكـــار ملتمّه
والا يـا وجـودي وجـد مـحـكـــوم بالإعـدام
مـن اسـبـاب خــايــب وابـتـلى العام في دمّه
وجـاه الخـبـر بأبــوه والـقـلــب صـار حطام
ومــن بـعــدهـا بأســبـــوع قـالــوا وفــاة امّه
ولا احــدٍ فـزع لـه كــن مــا ديـنـه الإســلام
ومـنّـه تـبـــرّى اخــــوانــه وخـــالــه وعـمّه
مـا غــيــر الـدمــــوع بـعـيـنـه ونـبـرتـه آلام
وطــول الــلـيــالـي غــيـر راسـه عـلـى كمّه
والا يـا وجـودي وجـد رجــلٍ سـهـر ما نام
إذا اصبح على مطمّه واذا امسى على مطمّه
فــقـيــر وكــريـم وبـالـلـــوازم يـقــوم شـمـام
ولا احــدٍ مــن ربــوعــه يـلــد الـنـظـــر يمّه
طـواه الهـيـام وصـار يمـشـي جـنـوب وشـام
مـثــل تــايــهٍ والــــدرب يـخـطــيــه ويخـمّه
ولا لــه وسـيــلـة تـوصـلـه حـلّـة الأكـــــرام
مـا غـيـر يـتـصـبّـر يـكـتـب الشعـر ويصمّه
وحــالـي يـشـابـه حــالـهــم والـقــلـوب هـيـام
وإذا العـشـق لـه سـمٍّ فــأنـا شـــاربٍ سمّه
ثـمـانـيـة شـهـور ومهـلــك الـفـكـر والأقـدام
مـن غـيـابـهـا شـوف الـقـنـيـدي كـثــر غمّه
لـهـا حـسـن ربـانـي وهـيـبـة مـلــوك عظام
ولـهـا شخـص مـتـفـاني ما يسمع بـها النمّه
جـنـوبـيـة العـيـنـيـن شـــــرقـيـة الـســلـهـام
شــمــالــيــة الأنـــســـاب فــي ذمـتــي ذمّه
عـســى الله يـجـمـعـني بـهــا تــالـي الأيــام
ويـهـون المـصـاب وحـلـمـي الـبـارح يتمّه
إسم الشاعرإسم الكاتبالبلدإسم القسمالمشاهدات
سلطان القنيديسلطان القنيديالسعودية☆ دواوين الأعضاء .. عامِّي231
لاتوجد تعليقات