تاريخ الاضافةتاريخ التعديل
الأحد، 29 أكتوبر 2017 09:55:52 ص بواسطة سعيد الحجريالإثنين، 30 أكتوبر 2017 12:14:22 ص
0 218
الأنفاس
من صْحاري عمان ومحزم الاطعاس
كفخ شاعر وشرّف نااااسه وربعه
مثلما شرفت الاسهم وجه الاقواس
بعد ما صااااحت العذرى تبى فزعه
من الانفاااس يبني عمْر للانفاس
واذا غابت شمس يومه لها طلعه
يصحيه الاذااااان وف العيون نْعاس
عرك عينه عن نعاس بْطرف صبعه
من اطرافه اذا تْوضى سقط خناس
مثل ما تسقط مْن اهدااابك الدمعه
ورزق الناس ربي حطْ بيد الناس
مثل ما حط سره في رقم سبعه !!
تمر سْنين وتبيّن ف شعر الراس
وهذا لو سلم رااااسك من الصلعه
كبر عندي كلام وصار حد مْواس
ما رمت مْن الحيا لفظه ولا بلعه
ملينا الكاس لكن ما نهينا الكاس
يقولوا ( الاااااتكيت ) تْحطبه ربعه
نقلدهم وحن لوحه تحت دبااااس
من الغرب وتبرهم خذنا هاللمعه
يا كم معدة ومربوطه من الافلاس
يا كم معدة ومربوطة من الشبعه !!
وحاضرنا مهو ناقص فظلعه فاس
هْو ناقص يشيلوا الفاس من ضلعه
متى انهدف وحنّا شغلنا حراس ؟!!
ولي نحميه عاااااد لْغيرنا نفعه !!
لبسنا ثوب يسمونه بثوب الياس
مثل ماااا حن لبسنا يوم بنخلعه
ما دام خشومنا ترمس مع النسناس
م نثره الريح ياااااتي يوم ويجمعه
إسم الشاعرإسم الكاتبالبلدإسم القسمالمشاهدات
سعيد الحجريسعيد الحجريعمان☆ دواوين الأعضاء .. عامِّي218