تعودنا نعيش الوقت واحلام اللقاء تكبر | |
|
| تعودنا يمر اليوم وصدرك محتضن صدري |
|
تواعدنا واقسمنا نحيا عمرنا واكثر | |
|
| نسعى في تلاقينا ونبقى ل الوصل نجري |
|
تكلمنا وسولفنا جعلنا أحزاننا تصغر | |
|
| نسينا ضيقة الدنيا تركنا همنا يسري |
|
زرعنا للمسره ورد لقينا فرحنا أزهر | |
|
| دخلنا عالم الاشواق بنينا قصرك وقصري |
|
تكون اوقاتنا دايم على نور القمر نسهر | |
|
| ونتبادل كلام الحب وفيك اكتب انا شعري |
|
يفرقنا نعاس العين وصوت الشيخ لا كبر | |
|
| عليك اشكر انا ربي واثني دائما شكري |
|
لانك فرحه ايامي ومثلك صعب يتكرر | |
|
| الا ياليتني ياليت عرفتك بس من صغري |
|
لوحدك مرهف الاحساس وانت اللول والجوهر | |
|
| متوج بالدلع والذوق رفيع الشان والقدري |
|
كفايه قلبك الطيب وصوفه مالها مصدر | |
|
| وتكفي روحك الحلوه ورقة صوتك المغري |
|
اذا جيت اذكر اوصافك واشرح رؤعه المنظر | |
|
| عيونك ياعيوني بس ترى مفعولها سحري |
|
أسرني خصرك المياس وذاك المبسم الاحمر | |
|
| ملكني شعرك الناعم وصارت ريحته عطري |
|
اذا فكرت في وصفك لقيتك شي مايذكر | |
|
| صراحه ما ابالغ لا ولا جاملت في ذكري |
|
انا من حقي اتباهى وفي دنيا الهوى افخر | |
|
| انا مجنون بك هايم لحاله ربنا يدري |
|
انا في عالم الاحباب تلقى اسمي الجوكر | |
|
| انا الولهان والعاشق والبحر الحب من بحري |
|
انا ملك الغرام الان انا السلطان والمستر | |
|
| انا ليل الهوى والعشق يبقى دائما فجري |
|
انا اتحدى جميع الناس واتحدى انا عنتر | |
|
| اذا حبوا كما حبي ولا يصبروا صبري |
|
غرامك زاد في قلبي وقد رب السماء اخبر | |
|
| بانك راحتي وحدك واجمل شيء في عمري |
|
على طاري الجفاء اسمع يقول الله ولا قدر | |
|
| امانه لاتخليني مع احزاني وقهري |
|
علامك صرت مهملني يامن ريحتك عنبر | |
|
| تكلم يالغلا صارح وافتح بابك السري |
|
ليش اوقات لقيانا صارت دائماً تقصر | |
|
| وليش النوم ياخلي يجيك الحين من بدري |
|
وش ألي بدل الاحوال وش ألي يارشا غير | |
|
| كفايه ضيقه الدنيا وقسوة حالها الصخري |
|
انا ماعدت اتحمل صراحه طعنة الخنجر | |
|
| اذا ناوي تغيب أبعد خلاص اقضي على امري |
|
اذا كان الجفاء يرضيك انا مابيك تتعذر | |
|
| تراك الي معودني يكون اسلوبنا دغري |
|
اذا جافيتني والله أن القلب يتكسر | |
|
| ترى بعد اهتمامك ليش ودك ينكسر ضهري |
|
امانه لا يموت الحب ياخلي ويتبعثر | |
|
| دام أحساسنا صادق ونبض اشواقنا حصري |
|