تاريخ الاضافة
الأحد، 6 مايو 2018 02:43:18 ص بواسطة حمد الحجري
0 392
سر حبي
سر حبي فيك غامض سر حبي ما انكشف
إيش خلاني اعشق فيك و العشقه تلـف
أيش اوقعني في اشباكك وانا عيني تشوف
لا تعذبني وإلا سرت وتركت المكلا لك إذا ما فيك معروف
فوق شاطي البحر حيث اللول يوجد والصدف
واللقاء قدكان صدفه لاجزى الله الصدف
عندما سمحت ظروفك لك وسمحت لي الظروف
لا تعذبني ولا سرت وتركت المكلا لك اذا مافيك معروف
واجهتنا خلف بعد العصر والحاسد خـلف
و الهوى يجري حوالينا يلف الموج لـف
و الجبل من فوقنا يشهد ويشهد لي الكهوف
لا تعذبني وإلا سرت وتركت المكلا لك إذا ما فيك معروف
كل واحد مننا ماسك من السكه طرف
لا هدف لي فيك يظهرلي ولا لك شي هدف
انتهى المشوار كله ما تلامسنا الكتوف
لا تعذبني وإلا سرت وتركت المكلا لك إذا ما فيك معروف
بعد ذاك اليوم زاد الحب لي لك والشغف
عنك أسأل كل شي حتى شبابيك الخلـف
وان تغيبت علي دورت في شمس الصيوف
لا تعذبني ولاسرت وتركت المكلا لك اذا مافيك معروف
إنت تحفة صاغها الرحمن من احلى التحف
إنت في الدنيا قضيه مـا تحملها ملف
وانت احلى اسم في قلبي ربـاعي الحـروف
لا تعذبني وإلا سرت وتركت المكلا لك إذا ما فيك معروف
حبك استولى على قلبي وحملني كلـف
حب احرمني منامي ما اغمضت للعين دف
حب مهما لك وصفته عنه يقصرن الوصوف
لا تعذبني وإلا سرت وتركت المكلا لك إذا ما فيك معروف