تاريخ الاضافة
الأحد، 6 مايو 2018 02:57:30 ص بواسطة حمد الحجري
0 435
منذ ربع قرن ياربان السفينه
منـذ ربع قــرن ياربــان السفينـــــه
والريح يلعب بناء عاكمين عينــــــه
حافظ على الخــن ياحافظ على الماكينه
والخــن وسطه ذهب وجواهر ومرجان
اللـه بنصرة معك اعطاك السكينـــــه
رغم الخطر والسفر وايامــه المحينـــــــه
من عـــزة الله من ذا يقـدر يهينــه
دع عنك اهــل السبب ماقالوه بهتــــان
والبر ماهو بعيــد بس الصبر وينــه
واهل السفينه بشر ماهم طايقينــــــه
طال السفر طولت وامتدت سنينـــه
كلما استمر الزيب جاء عاكر وطوفان
للبحــر اهوال قــد نحن عارفينـــــه
كم ندخــــل ونخـــرج من حيث جينــــــــه
كل من بغى منهم بايلقى ضنينه
غلق عليهم رجـــب ودخـــــل شهـــر شعبـــــــان
مــول الدرك منتبه قط مانام عينــه
ينظر الى البر هو وجباله وطينـــــــــــه
لابان باتبان له اعلام المدينــه
هذا المنى والطلب هذا القصد والشــــــاْن