تاريخ الاضافةتاريخ التعديل
الخميس، 19 يوليه 2018 01:11:13 ص بواسطة زاحم محمود خورشيدالجمعة، 20 يوليه 2018 02:34:24 ص
0 212
بلاد النهرين
دشداشتك ها يا وطن صبغ النيل
گوم ابطرگها وخلْ يسامرنا الليل
ياگذلتك كسر الگلب ست طيات
مندل فرگها افراگ الك هد الحيل
بس ياوطن حزنك امفصل آهات
شو درعمن فوگ الصدر مثل الخيل
اثگال ساعاتك يمرّن حسبات
سهران دومك ما شفت بس الويل
ياگمر هم عندك وطن تحلم بيه
اعيونه حلوة اوما تحب جر الميل
لابس تراچي امرصعات ابشذرات
ايغار منّه النرجس وعطر الهيل
يا شط عسنّك ميّك لحد الساگ
حارمني منك ماشفت كون السيل
عبود جاي من النجف يا محلاه
شايل مكنزية ويطگ منها الچيل
اشلون تصبر من مشو بيه اهناك
ابديرة غرب بس اني ويْ نجم اسهيل
عبود لا تنسى وتمر بالسياب
يمة التقتْ دجلة بحمامات النيل
الشمس اجمل في بلاد النهرين
وي صبري افندي الليل مو مثل الليل
إسم الشاعرإسم الكاتبالبلدإسم القسمالمشاهدات
زاحم محمود خورشيدزاحم محمود خورشيد عاميالعراق☆ دواوين الأعضاء .. عامِّي212
لاتوجد تعليقات