عناوين ونصوص القصائد   أسماء الشعراء 
الشعراء الأعضاء .. عامِّي > مصر > محمد أبو يوسف > عدت سنه

مصر

مشاهدة
640

إعجاب
0

تعليق
0

مفضل
0

الأبيات
0
إغلاق

ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك

إرسال
انتظر إرسال البلاغ...

عدت سنه

عدت سنه
أهل الهنا أهل الهنا
واهل الشقا عايشين هنا
عدت سنه
ولسه الشوارع هيا هيا
لساها برضو مستكينه ومش عفيه
لسه العتاه هم العتاه
لسه الزناه هم الزناه
لسه الغلابه ف الهوان والمسكنه
عدت سنه
وأيه يعنى بتمر السنين
كل الخلايق ف البلاد متسلطنين
أرضهم ... أرضهم
كل اللى فيها ملكهم
أما احنا
فأرضنا مش أرضنا
هى طبعا أرضهم
كل بلادنا ملكهم
حتى السما غير السما
ليهم سما مش زينا
ليهم بيوت تشبه لهم
ولينا بيوت تشبه لنا
وعدت سنه
ياللى انتو لسه مننا
فوقوا بقى
قوموا بقى
الثوره بره الشرنقه
ثوروا بقى مهما الشقى
مهما الشموس حول الرقاب كات مشنقه
يا كل حر اصرخ بقى
امسك خيوط الضو لحسن تختفى
إلحق سنا
وإلا هتعدى السنين
من غير جديد
والحكم صاير بالحديد
والضحية هيا وهو. وانت . ونا
محمد أبو يوسف
التعديل بواسطة: محمد ابو يوسف
الإضافة: الخميس 2018/12/27 03:45:00 صباحاً
التعديل: الجمعة 2018/12/28 08:05:23 مساءً
إعجاب
مفضلة
متابعة


أعلى القصائد مشاهدة للشاعر
أعلى القصائد مشاهدة خلال 24 ساعة الماضية
انتظر معالجة القصيدة ...
جميع الحقوق محفوظة لبوابة الشعراء .. حمد الحجري © 2005 - برمجة وتصميم
info@poetsgate.com