 إبلاغ عن خطأ
ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك
انتظر إرسال البلاغ...
|
| أيه معنة إن التخلف مخلف فى كل حارة عيال |
| أو إنه والد بنات أفكار عظايا ومقرفين |
| معناه بإن الدين بينزلوه من مطرحه ف القلب |
| ويحولوه سلعه ف دكاكين السياسة |
| معناه بإن الطهر يدارى |
| عشان تظهر أساليب النجاسة |
| ملناش بقى ف الصبر يا رفاقه |
| ولا ف انتهاج السلم وقت الحرب |
| إحنا اتسرقنا سنين من العسكر |
| ولما فوقنا لقينا دول على ضهور الجمال جايين |
| شيوخ أذناب شيوخ أذناب شيوخ منسر |
| ريحة عرقهم جاز ولون علمهم سيفين واقفين ف غيط أخضر |
| بيحشوا صبح الأمل ويلبسوا الناس أمسهم ويأسهم بالغصب |
| *** |
| رافعين مصاحف أميه يقولوا دولة ودين |
| عارفين حبايب النبى إحنا يا مصريين |
| الطيبه فى طبعنا وسماحة الإسلام. |
| رافعين مصاحف أميه لكن بقى على مين؟ |
| بصوا ياناس ف الوشوش ما تبلعوش الكلام |
| حتلاقوا خلف الرطوش بشاعة الوجه اللئيم |
| تجار جوارى وعبيد وكتامين أحلام |
| ومعلمين الشيطان يفتى فى عشق الوطن |
| ويجود القرآن |
| يرطن بألف حديث |
| عن مين ومين ابن مين... |
| إن الدقون على الجتت هى دليل الإيمان |
| ولو أنها كانت حشيشا لأطعمناها خيول المسلمين |
| أستغفر الله العظيم.. أستغفر الله العظيم |
| زفة مظاهر عندهم .. بس اللوع واحد |
| الكدب غار من كدبهم |
| وقلبهم جاحد.!! |
| بيقطعونا حتت ويقولوا مرتدين |
| وبيدفنونا من غير صلا ولا شاهد! |
| بيقولوا ده ناصرى ودول بنى ليبرال |
| ودول عيال شاردين مالهومش مله و دين |
| بيقطعونا ازاى.. يا حسرة الإنسان؟ |
| مش كنا ف المعركه وكل البشر إخوان؟ |
| واكلين معانا العيش شاربين معانا الشاى |
| ومسددين الحساب ..يوم الحساب ف الميدان!! |
| والدم كان للركب ما عرفنا مين من مين؟ |
| عاش الهلال والصليب .. والكل مصريين؟ |
| يا عم بطل طيابه ده لكل وقت أدان |
| دم الشعوب سلمه للحكم والسلطان |
| دى الوقتى قالوا انتخاب شفتوا فراغة العين!! |
| يعنى الصبيه قبل الجواز تولد!! |
| قولنا احنا كتب الكتاب قبل الدخول يا ولاد .. العرف زى الدين |
| دستور يا أمة محمد .. واضح و متحدد |
| الشرط نور النبى.. يهدى سبيل القبط والمسلمين |
| مش ربنا أرسله للعالمين رحمه |
| عايزينها ليه بالغلط بتخموا فى الزحمه؟؟ |
| وكمان لسانكم فلت قلتم علينا اللى فيكم |
| طلعتوا فينا القطط .. بتداروا بلاويكم |
| أنا مش غبى زيكم بالكفر أرميكم |
| قادر كريم ربنا.. |
| يا يا خدكو من وشنا يا إما يهديكم. |
| يا يا خدكو من وشنا يا إما يهديكم. |
روابط مفيدة
الشعراء:
الأعضاء:
زوار اليوم:
الزوار:
أقسام البوابة
تواصل
متابعة
