تاريخ الاضافةتاريخ التعديل
الجمعة، 22 مارس 2019 02:30:53 م بواسطة سمير الأميرالسبت، 23 مارس 2019 12:11:41 ص
0 41
تلات قصايد وواحده ست
1-
ياشهوة بتشل قلبى
وتجمد الدم ف عروقى
انا حقطعك من لحمى
واعلنها واضحه وصريحه
كنتى انتصار الوهم
على مشاعرى الجريحه
و أنا الوحيد اللى كان بجد... بيحبنى
2-
من بعد ما خسرتى الرهان
لسه ناويه ترمحى تانى
يا هلترى مين اللى فينا لسه هيعانى
انت اللىبتغيرى فى كل يوم فستان
والا العشيق اللىغاوى المستخبى يبان
3-
انا اى نعم مكبوت
وبتكعبل فى صوت خطوتى
لكنى لسه بامتلك
شرف التوحد بالكتب والناس
ولسه قادر اغادر
كل الوجوه اللى بتشدنى للموت
قادر افوت من بين سيوف الذكريات
واطلع سليم
من وحدتى
واطير على جناح الكلام
إسم الشاعرإسم الكاتبالبلدإسم القسمالمشاهدات
سمير الأميرسمير الأميرمصر☆ دواوين الأعضاء .. عامِّي41
لاتوجد تعليقات