تاريخ الاضافة
الخميس، 28 مارس 2019 08:46:33 م بواسطة عبد العلي فيلالي بالحاج
0 94
في رثاء فويتح
ضمت تربة هد الارض مسك فواح
وطيب ما بحالو طيب
سكت داك الغريد الصداح
وفارق الصديق وفارق لحبيب
لحبيب لي والفتو مسا وصباح
ما نويتو بعد العشرة يغيب
غنى صاح خاطب بيها لرواح
حتى طرب لغناه شبان وشيب
علاش يا عيوني لبكا والنواح
قالت عيوني ماشي لخاطري النحيب
بغيت نعرف علاش انت يا فتاح
املي نلقاك من دون الناس يخيب
ملي مشيتي سيدي طفا لينا مصباح
وبقات نارك فلقليب تلهب لهيب
عنداك تنساني ملي تسمعها ترتاح
تداوي لمعلول ما يحتاج طبيب
شكون ينساك يا بهجة لفراح
حياني علفراق ولفراق صعيب
هاني يا لي ناداني ندا ملحاح
يقين ما فيه شك ولا تكديب
مابيني وبينووالو غير محبة وصلاح
وتربية وذوق وادب وتهديب
دركتي الريادة تحقيق من غير مزاح
بانغام بلادنا وانت القيقاني اللبيب
كل مكان يلهمك نغيمات وانت سواح
تقول لكلام مسكوب فالانغام سكيب
الحمدوشية خترتي ليها كليمات فصاح
وتومي روحك يرتب ليك لكلام ترتيب
استاذي شرفني وقلدني بوشاح
منين سمح لي نوقف بين الجمع خطيب
قولو معايا ربي يا ربي يا نعم الفتاح
يا لي حشى الرجا فيك يخيب
يامن لاقيتي بالوفا ناس ملاح
وبالصفا خليتي لقلوب حليب
بالصبر والسلوان داوي لينا لجراح
خاوي لامتنا لبعيد ولقريب
لونغارد لكلام صوتي يبحاح
ما نعد محاسن ملا عمرو قال لعيب
إسم الشاعرإسم الكاتبالبلدإسم القسمالمشاهدات
عبد العلي فيلالي بالحاجعبد العلي فيلالي بالحاجالمغرب☆ دواوين الأعضاء .. عامِّي94
لاتوجد تعليقات