 إبلاغ عن خطأ
ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك
انتظر إرسال البلاغ...
|
| مشغولين بالمونديال |
| ونسينا |
| غزة |
| آه ياغزة |
| كل غارة فوق سماكى |
| كل طلقة تسيل دماكى |
| فجرت فى عروقنا دمك |
| كبرت فى قلوبنا همّك |
| كترت ليكى المعزة |
| آه ياغزة |
| إنتى زهرة ف وش ريح |
| قلبك الطيب جريح |
| انتى أمة مستفزة |
| آه ياغزة |
| دباباتهم فوق سريرك |
| لطخوا الدم ف حريرك |
| دبحوا ولادك بلذة |
| آه ياغزة |
| ياللى وقت الكورة |
| مابتحقن قلوبنا بدم بارد |
| ابنك المدهش بيكشف صدره قدام البنادق |
| ويداريكى ف ضهره ويقول للدخيل |
| مانتاش معدّى |
| بين شوارعى بين بيوتى |
| مانتاش معدى |
| مهما هاتهدد بموتى |
| مانتش معدى |
| غير على قلبى اللى شايل لك سلاح |
| على جتتى الديناميت |
| على لسانى اللى بيغنى تراتيل الوطن |
| وهامنعك تدبح بلابل فرحتى |
| وتوقف الغربان على نخلى |
| وشوية الدم اللى حيلتى |
| هاغرّ قك فيهم |
| وارفع فى وشّك من ضلوعى رماح |
| مانتاش معدى |
| غير على دراعى اللى شايل لك سلاح |
| إلا أرضى، |
| إلا عرضى، |
| إلا دارى، |
| إلا شمعة بينخلق من ضلعها فجرى ونهارى |
| لو تقرب من حدودى، |
| ولاّ هاتهدد وجودى |
| يبقى شيىء واحد فاضللى |
| يا الشهادة |
| يا انتصارى |
| بسم التاريخ |
| بسم العروبة |
| بسم التحدى |
مانتاش معدى
|
روابط مفيدة
الشعراء:
الأعضاء:
زوار اليوم:
الزوار:
أقسام البوابة
تواصل
