تاريخ الاضافة
الإثنين، 26 مارس 2007 07:07:28 ص بواسطة محمد أسامة
0 742
ياقلب قلبي ياهدي
هذه هدي
منذ لحظات
كانت لها عائله
رسم الدم معالم نهايتها
فوق الرمال
وفوق الجدران
فصرخت هدى
صرخت هدى
صرخت
صرخت
وليس هناك أى جدوى للصراخ
فى مدن الاموات يا صغيرتى
***
آااااااااااه
يا صباح الانكسار
يا دمع عين قلبى الحزين
المستكين
اللى شبع ذل وهوان
ولسه ببجاحه يقول
كنا وكان
آااااااااااه
يا صباح دم الشهيد
والمعتصم وابن الوليد
آااااااااااه
يا صباح روح الرجال
المخلصه
مسجون انا ف سجن الانا
وف كل حته ف جتتى
ريحه كئيبه مدنسه
منا اصلى راضي بالخنوع
وراضى اعطش احتمال
ولكلمة العزه اجوع
ملعونه والله دى الدموع
مش مكسوفين وبينزلوا
آل يعنى لسه محزونين
وبيعرفوا يتألموا
من بعد ما كل الكلاب
باتم ف أحضان أمتى
فضوا بكارة عِزتى
آااااااااااه
يا صباح مليان مرار
والله عار
والله عار
والله عار
*****
**
إسم الشاعرالبلدإسم القسمالمشاهدات
محمد سعيدمصر☆ شعراء العامية في العصر الحديث742