تاريخ الاضافة
الإثنين، 26 مارس 2007 07:13:19 ص بواسطة محمد أسامة
0 836
محتاج يا شاعر اسألك
وافرش على الارض الكتب والكرسات
واقعد قبالك وافهمك
اصلك يا شاعر زى اجدعها طبيب
ولو ف يوم شمسك تغيب
بيغيب معاها حجات كتير
بيعز على قلبى ساعات
لما يتوه منا الضمير
والقانا برضك مهزومين
ما بين آلاف الاسئله
وما بين وبيبن
لسانا يا شاعر بننسى اننا
فى الاصل طين
محنا بشر
وهو فيه اجمل من الطين لما يطرح سنبله
ويمد ايده للخلايق بالشجر
ضلايه تجمع تحتها مليون حبيب
ولاّ يضم ف حضنه بذرايه عشان..
تطرح ف يوم ..
لما الغمام فوق السحاب يبعت لها حبة مطر
آآآآآآآآآآآآه يا بشر
لساكوا مش عارفين حقيقة اى شى
وانا برضه طبعا زيكم
فعلشان كده
بشعر بأن ترابى آيل للسقوط
وكأنه حن لاصله تانى
لما لقانى..
مش قادر ابقى شىء مفيد
يا الف آآآآآآآآآآآآآآآآآآآه
لما حرارة التلج ف قلبى تزيد
لما يتوه منى النهار
والقانى متشعبط على ..
اضعف جدار
إسم الشاعرالبلدإسم القسمالمشاهدات
محمد سعيدمصر☆ شعراء العامية في العصر الحديث836