تاريخ الاضافة
الإثنين، 26 مارس 2007 07:30:43 ص بواسطة محمد أسامة
0 796
حبيب قلبي
حبيب قلبى
معاك بفتح بيبان قلبى
وبتكلم
وما نكرشى
بأنى برتوى اشعار
وبتعلم
احط الكلمه جنب الحرف
وتجرفنى المعانى جرف
لان حروفك الصافيه
بتحكى كتير عن الانسان
وعن اوجاعه وحنينه
وعن عشقه لجمال الروح
وحتى عن سمار طينه
حبيب قلبى
دا نا موجوع على الاخر
فإتاخر كده حبه
وخدنى جنب ضلاية جمال روحك
واوعى يا صاحبى تسأل ليه
وكيف حالى وكيف حالك
جرالى او جرالك إيه
تعالى نغير الموضوع
ونمسح عن جبين القلب
اى دموع
عشان اصلا انا عارف
بأن العشق لامثالنا صبح وصمه
وصار ممنوع
كانه جريمه او تهمه
فاحسنلك يا صاحبى تجوع
إسم الشاعرالبلدإسم القسمالمشاهدات
محمد سعيدمصر☆ شعراء العامية في العصر الحديث796