عناوين ونصوص القصائد   أسماء الشعراء 
شعراء العامية في العصر الحديث > مصر > محمد سعيد > لحظة صدق

مصر

مشاهدة
1019

إعجاب
0

تعليق
0

مفضل
0

الأبيات
0
إغلاق

ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك

إرسال
انتظر إرسال البلاغ...

لحظة صدق

اتبدّلت كل السكك..... واتغيّرت كل الدروب
الفجر فى ساعة سحر.....رفض الوليد
والشمس والليل والقمر.... سافروا بعيد
حتى سحابات الامل
رفضت تفارق الغروب
واتغيّرت كل الدروب
يادى المكان.... ضاع الامان
واحترت بين اسم وحقيقة
واختل فى العقل الزمان
مابين دموع..... لحظة خشوع
نزلت على الورق انحرق كل اللى كان
وصرخت يا كلمة هزيمه برفضك
ولقيت وريد الدم بين درعاتى بان
لبست توب الاحتمال......قولت احتمال
انك يا كلمة صدق تانى ترجعى
اوحتى يسمع صرختى كل اللى خان
حسيت بانى من زمان غير الزمان
رغم اختمار الفكر ونضوج المشاعر
جوايا ثاير.....لسايا حاير
وكانى بتعلم يدوب
متغيره فيا السكك...متحيرا بيا الدروب
ولقيت حروف الصدق لمت بعضها..جت كلها
فشعرت تانى بالامان...ودفنت نفسى ف حضنها
وسالتها..مين اللى قالك تبعدى؟؟؟
عجبك كدا حال البشر.....!!!
شوفتى اللى صار واللى حصل
لما بعدتى عننا...!!!!
عشش ظلام الياس جوانا و شتت حلمنا
ظهرت معانى بعيده خالص عننا .....
سادت وزادت وسطنا
ارجوكى حاولى ترجعى
وتفرعى فوق السكك...........وترعرعى جوه الدروب
وتصحى من تانى الضمير... ...وتصحصحى كل القلوب
وتمسحى الدمعه الحزينه... بيهزها الخوف م الغروب
يا لحظه محتجلك اوى... اوعاكى تختارى الهروب
ردت بصوت مليان دموع
د نا اللى محتاجه الرجوع
بس اقبلونى كلكم...........معنى بيسرى ف دمكم
هتلاقو كل الصعب هان...انا من زمان بشتاق لكم
وانسو بقى كل اللى كان.......انتو انا وانا منكم
من كتر ما اللحظه خدتنى..هزت كيانى ورجرجتنى
ولقتنى يا حروف الحقيقه ونبضها
بعشق مرارة صدقها.. وحلفت لحلم حلمها
واخلط بدمى دمها..وندوب ندووووووب
وندوس على كل السكك....و نخطى فوق اصعب دروب
محمد سعيد
بواسطة: محمد أسامة
التعديل بواسطة: محمد أسامة
الإضافة: الاثنين 2007/03/26 11:37:48 صباحاً
إعجاب
مفضلة

أضف تعليق

يجب تسجيل الدخول أو الاشتراك أو تفعيل الحساب اذا كنت مشترك لإضافة التعليق


أعلى القصائد مشاهدة للشاعر
أعلى القصائد مشاهدة خلال 24 ساعة الماضية
انتظر معالجة القصيدة ...
جميع الحقوق محفوظة لبوابة الشعراء .. حمد الحجري © 2005 - برمجة وتصميم
info@poetsgate.com