تاريخ الاضافة
الإثنين، 26 مارس 2007 08:09:16 ص بواسطة محمد أسامة
0 788
صفحات العمر
صفحات العمر
ويـا فرحة وطارحة الحب ف كل مكان
لـيـه ناسيانـا ولـيـه فيتانـا للأحزان
صفحات العمر البيضة هتحكى للأيام حكايات
من غير ماتلومك ولاّ تعاتبك
ولا هتنادى ف مـرة عليكى
او تركع وتبوس رجـليـكى
صفحات العمر البيضة الشاردة ف قلب كتاب
وسحاب بيمر يغيّر لونها
يهز كيانها
يموّت فيها طعم ومعنى وشكل ولون
وتكــــــــــون
اشلاء....اطــلال
او فرع بفعل الريح يصبح رحّـــــــال
ولا عارف رايح فين...... رحــّــــــال
ولا عارف جاى منين......رحّــــــــال
واهى كلمة خفيفة وسهلة
وف أى مكان تنقال
لو واحد تاه فى الغربة
أو ضل الناس والصحبة
أو حتى سفينة وسايرة ف قلب محيط
أو واحد سابح وحده ف بحر غويــــط
*****
وبرغم الرحلة الصعبة
صفحات العمر البيضة مسافرة
من غير متقولك عدى عليها او ضميها
أو تطلب منك كلمة
أو حتى مجرد بســـمه
صفحات العمر خلاص
مش محتاجة لونّاس
****
وانت يا حزن يا ساكن
يا معتّم فى القلب ضياه
لسة بتنطق كلمة لكن..!
آه من كلمة لكن آه
لكن ايه؟ وازاى هقبلها
وانت مليت الصفحه بحالـهـا
اسمع منى كلمه هقولـهــا
اوعى تفكر ان مكانك هنا هيدوم
او انى معجب بجنابك
راحـل راحـل من صفحاتى دا شىء محتوم
عارف ....عارف ايه اسبابك
******
**
إسم الشاعرالبلدإسم القسمالمشاهدات
محمد سعيدمصر☆ شعراء العامية في العصر الحديث788