عناوين ونصوص القصائد   أسماء الشعراء 
الشعراء الأعضاء .. عامِّي > مصر > أبو حجاج > الله غالب

مصر

مشاهدة
270

إعجاب
1

تعليق
0

مفضل
0

الأبيات
0
إغلاق

ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك

إرسال
انتظر إرسال البلاغ...

الله غالب

الله غالب...
يوم مايوسف.. غدرو به اخواته...
والغيره عاميه.. فيقررو ينهو حياته...
تيجى العنايه... من مولاه بذاته...
فتتحول النهايه... فتره تانيه من حياته...
رحلة نبى... هيغير الكون بالكفاح....
يرزقه بالحكمه ربه.... والايمان كان السلاح...
حارب شيطان كيد النسا.... فانتصر....
يدخل سجون الظلم عنوه... ولا ينكسر...
يخرج يبدل ديق الكون براح...
ويشوف خواته... فيطلبو منه السماح...
ويرجع لابوه... نور الدنيا اللى راح....
والخير يعم فى الخزاين... بحكمة الابن اللى غايب..
فيأمن جميع الموجديين....
إن كيدهم كله باطل... وان كيد المولى غالب...
الله غالب...
وبعطاه رزق الجميع ....رزق العرب..رزق العجم..رزق القرايب والأجانب....عالم بكل المستخبي... واللى ظاهر.... واللى مربوط ...واللى سايب....
يسع الخلايق كلها... اللى حاضر ... واللى غايب....
عنده تحقيق المنى..
والمنايا ما فرقتش..
مره شاب.. ومره شايب....
الله غالب...
قبل اللى تاب....
وهداه بفضله للصواب...
بدل سؤاله بالجواب...
من غير معايره ...من غير عتاب..
وساب للعاصى... ميت ألف باب..
ورازقه عادى.... ااكل وشارب...
والكون بحاله قبضته....
من المشارق للمغارب.....
الله غالب.....
الله غالب لما تتسرق البلاد...
والشعوب تلقى روحها... عايشه حالة ارتداد....
والأفق يعانى.. مر الانسداد...
وقتها تغيب الكياسه...
ويحرقو كتاب السياسه....
ساعتها فورا يبتدي... حوار التعالب....
فيحسسونا اننا... عايشين غلاسه...
ويفهموك بالمستند اننا ...سبب التعاسه...
لو تفكر تختلف تثبت وجودك...
هيلعنو سلسال جدودك...
ويفهموك برحمه هتورم خدودك....
انك طبيعى تختلف... بس ماتعديش حدودك....
ساعتها راح تكره وجودك...
وانك فى بلدك ...ما تساويس...
فتقضى عمرك اكل عيش...
ويمحو صورتك م الافيش...
وانك اصلا كنت فار... دمن مليون فار تجارب...
يبقى ليه اصلا تجادل... ولا علشان ايه تحارب...
ولا ليه تطلب بحقك.... ما كفياك اكل وشارب...
وقول يارب ليه حق... ووعدك ان الحق غالب...
الله غالب...
هيعلموك ان الطاعه العاميه حق ... هيبررولك كدبهم.. بالدليل وبالورق...
هيجردوك من الشرف... لو قولت لأ..
وهيجبروك تعترف... انك سبب كل المصايب والقلق...
هتشوف ضماير كل يوم بتندفن...
هيعلموك ان الفقر عمره ماكانش عيب...
وان افضل لبس ليك هو الكفن...
وأنه انسب حاجه ليك... ملوهش جيب...
هيبعولك كل حاجه صابها العفن....
وخير بلادك طالع هدايا للغريب....
وعشان يكون لك فى الخير نصيب...
وتكسب برميل القناعه....
ردد فى سرك كل ثانيه وكل ساعه...
يابخت من بات مغلوب...
هيفيد بايه لو بت غالب....
وجدد بيها كل يوم ايمانك...اجعلها لزمه فوق لسانك..
وابلع الني وقول عنه طايب...
الله غالب...
أبو حجاج

قصيدة شاملة دينى اجتماعى سياسي
بواسطة: أبو حجاج
التعديل بواسطة: أبو حجاج
الإضافة: الأحد 2019/09/08 09:08:51 مساءً
التعديل: الاثنين 2019/09/09 05:34:25 مساءً
إعجاب
مفضلة
متابعة


أعلى القصائد مشاهدة للشاعر
أعلى القصائد مشاهدة خلال 24 ساعة الماضية
انتظر معالجة القصيدة ...
جميع الحقوق محفوظة لبوابة الشعراء .. حمد الحجري © 2005 - برمجة وتصميم
info@poetsgate.com