إبلاغ عن خطأ
ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك
انتظر إرسال البلاغ...
|
اشرب بكأس االرضا وأحمد كل يوم مولاك.. |
واسلك طريق الهدى عناية الإله ترعاك.. |
وفكر فى ضعف زمان وشوف قد ايه قواك.. |
مش انت اللى كنت فقير طب حد غيره عطاك .. |
وشوف بلايا الناس هتهون عليك بلواك.. |
مش انت اللي كنت عليل طب مين من علتك نجاك.. |
فاشرب بكأس الرضا وأحمد كل يوم مولاك .. |
ارمى الحمول كلها وحاسب من قلوب شايله.. |
امشى فى طريق العدل سيبك من الخايله.. |
الخايله كدابه.. |
حارب على طموحك قوم واعدل المايله.. |
اياك فى يوم تعطل عشان همك كل الهموم زايله.. |
والدنيا متسابه.. |
وابدر حبوب جهدك واحرصها لو بدماك .. |
واياك تنظر لعرق الناس عرق العباد هلاك.. |
فاشرب بكأس الرضا وأحمد كل يوم مولاك .. |
وقت أما كات زهرتك مفتحه وشمعتك والعه.. |
تاهت اثار خطوتك وهواك طفى الشمعه .. |
وقت أما كات صحتك تهدم جبال فارعه.. |
بين العباد غرتك ولما السنين سرقتك |
حلفت ماهيش راجعه .. |
وصاحب حسبته غطا وقت اللزوم عراك.. |
من دون الصحاب نقيته عشان بس جه على هواك.. |
لو كنت اتقيت ربنا ما كانش هو خزاك.. |
لو كنت افتكرته زمان ابدا ماكانش نساك.. |
فاشرب بكاس الرضا وأحمد كل يوم مولاك .. |
متقسمه الأرزاق ينقصها بس السعى |
فاسلك كل يوم ميت درب .. |
يابنى الحلال مش سهل بالعكس محتاج حرب.. |
والقعده جنب الحيط اخرتها بؤس وكرب.. |
وعيش عشان فكرتك وانشرها شرق وغرب.. |
وسافر عشان حلمك بلاد واركب عشانه الصعب.. |
واصلب بالعلوم حيلك واسبق بالخيال جيلك.. |
واكسر روتين السرب.. |
واقنع باللى فى اديك نفسك واصلح بالمتاح دنياك.. |
واشرب بكاس الرضا وأحمد كل يوم مولاك .. |
الحامدين على خيروخير الكلام الحمد.. |
والغصب خليه رضا وبلاش تسوق العند.. |
ما كتير عوليق اتسقى علشان يعيش الورد.. |
وعشان تحس بدفى لازم تدوق البرد.. |
واحلى نسمة هوا بتيجى بعد الشرد.. |
ولو ليك نصيب فى الهنا حظك هيستناك.. |
ومهما يغيب المنى رزقك هيجري وراك.. |
فاشرب بكاس الرضا وأحمد كل يوم مولاك.. |