إبلاغ عن خطأ
ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك
انتظر إرسال البلاغ...
|
أول غروب الشمس |
مجروح سكات البنات |
بدبدبات النهار |
أول غروب الشمس |
دمعه على الأهداب |
ياساكنى المحار |
قلبى اللى مرمى ع الرصيف |
مغسول بدمع الروح |
وبيحب الحياة |
اتفرهض الليل المسافر فيا |
لاقلت آه |
ولاكلت الخطوات ف رجليا |
يازقزقات الضحكه يامجروحه |
الدمع مالح |
والعيون مفتوحه |
يازقزقات الضحكة يامكفيه |
شوفى اللى حاصل |
واللى جارى عليا |
كل البنات قاعدين على سطوحهم |
بيطروزا الفستان ل ليلة الدخله |
والدخله لما تهل تفرحهم |
يادى القمر يابخيل عليا طلوعك |
طالعه بروحى |
وجايه حد سطوحك |
فرّح صبايا العشق |
لو ليلة |
واعدل الميلة |
دا الهم بالكيلة |
والفرح |
لو نفرح ساعاته قليله |
انا كان قليلى كتير |
ف وقت الهوجه |
بس الليالى بتمشى |
معووجه |
والأيد اذا تقصر |
ف ياولها |
لا الحق بتطوله |
ولايجيلها |
ودبدبات النهار |
تجرح سكات البنات |
أول غروب الشمس |
دمعة على الأهداب |