تاريخ الاضافة
الإثنين، 26 مارس 2007 05:58:41 م بواسطة صابر فرج
0 650
سفينة نوح
سفينة نوح
ادخل جوا الحلم
ونام
حاتلاقى
البنت اللى انت بتتمناها
جيالك
زى ملاك
الحلم حيبقى ايدين مفتوحه
بتندهلك
فاتحه لك باب البستان
فيه من كل طيور او فاكهه
اتنين اتنين
وكأن الحلم سفينة نوح
وان حد دخل على اوضتك من اهلك
ولقاك بتكلم روحك
وانت مغمض عينك
اوعاك تحكى له أحلامك
000
واما حتصحى وتقابل نفس البنت
حاتقولك لما تحط ايديك ف ايديها
نفس الحلم اخدنى ف نفس ماأنت بتحلم
نفس الحلم
واحنا فى سفينة نوح
000
تمشى معاها ع الكورنيش الخالى م الناس
يحدفك الموج بالميه
فا تفوق وتلاقى نفسك ماشى وحيد
وتدّخل روحك جوا الأحلام
من تانى
تركب ف سفينة نوح
إسم الشاعرالبلدإسم القسمالمشاهدات
صابر فرجمصر☆ شعراء العامية في العصر الحديث650