عناوين ونصوص القصائد   أسماء الشعراء 
الشعراء الأعضاء .. عامِّي > مصر > أبو حجاج > بياع كلام

مصر

مشاهدة
452

إعجاب
0

تعليق
0

مفضل
0

الأبيات
0
إغلاق

ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك

إرسال
انتظر إرسال البلاغ...

بياع كلام

بياع كلام
امى كانت ديما تقولى بياع كلام...
بياع كلام من يومك ولا حد سائل فيك....
ما امك قالتها زمان ...
لو الكلام بفلوس ...الشعر كان يغنيك.....
ورق القصايد داب وكمكمة غنويك....
اصرخ وقول يا بلد وادن أدان الديك....
قول يا بلدى يا طيبه يا ام الصبا والشيب...
يا ام المقام عالي طبعك معايا عجيب...
عطشان يا غيط الطين ومكسره سواقيك....
ومشققه ارضك... ولا زرع نافع فيك....
انده بصوت عالى شوف مين هيسأل فيك....
عشمان تصحى الناس؟كانو اولى سمعو الديك...
رغم أنه بيبشر بمعاد طلوع الصبح....
ماشفعلهوش عندهم وما انقذوش م الدبح...
سابو الكلاب فى امان علشان كلامهم نبح...
عايز تعيش ف امان مارس سياسية المدح....
وانضم لل الصعاليك....
كل اللى حاول نجح ليه عندنا ما نجحش....
شجر الجناين طرح شجرنا ليه ما طرحش....
كل الامور اتغيرت والغرب أصبح وحش...
اكل الحصاد.. سرق البلاد.. بدل أدبنا فُحش....
حتى ال كان فاضل لنا جزره... قطمها الجحش....
وجثة متخشبه.. رافضه تخش النعش...
فى دهشه مستغربه ليه حقها ما رجعش؟؟...
ودمعتين في عنيك...
رموك فى بحر غريق ومكتفين رجليك...
بايت بتكتب شعر والصبح تتسول!!...
كام حد يسمع ويفهم فتقول من الاول!!..
فاكر لشعرك سعر؟ من غير ما تتحول!!...
الشعر بين أربع حيطان بيتخلق ثوره...
ويا دوب يشوف النور يتقلب عوره...
ف تجرى تدارا من فكره غضبانه.تخاف ينسبوها ليك ...
بتخون بنات قلمك...
ونكرت افكارك..يالى الكلام كارك...
طب كان من الاول...
اقله كنت تنول بركة رضا المماليك....
بياع كلام ..من يومك.. تتمنى وضع الكلاب...
وتخاف مصير الديك....
أبو حجاج

اجتماعى
بواسطة: أبو حجاج
التعديل بواسطة: أبو حجاج
الإضافة: الجمعة 2019/12/06 11:30:37 صباحاً
التعديل: الجمعة 2019/12/06 02:28:21 مساءً
إعجاب
مفضلة
متابعة


أعلى القصائد مشاهدة للشاعر
أعلى القصائد مشاهدة خلال 24 ساعة الماضية
انتظر معالجة القصيدة ...
جميع الحقوق محفوظة لبوابة الشعراء .. حمد الحجري © 2005 - برمجة وتصميم
info@poetsgate.com