إبلاغ عن خطأ
ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك
انتظر إرسال البلاغ...
|
حكاية طويلة لسه ما خلصت |
كنت أمبارح قاعد سارح |
فجأة يا خوي ونادى أمبارح |
ركبت حماري ورحت أفتش |
جو خيالي وكل مطارح |
لفت راسي بألف كوفية |
وألقيت قلمي يعذب فيه |
ونويت أكتب حاجه ف دماغي |
حكيت قلمي ف وش سناني |
في وش الورقة كان عنواني |
صرخ القلم وقلي تكية |
هبيت واقف وقلت عادية |
ورحت أشوفه يقلي هنيه |
فضل يعيط بحاله جنونية |
لطم خدوده وفض أكياسه |
وقلع هدومه وساب أنفاسه |
وأول كلمة يقولها مهيه |
ما تجيب فول ولا طعمية |
لحمة وصارت فوق الميه |
وبقينا شلولو مش ملوخية |
كانت أكله زمان تسد خَوَانا |
وأدينا صابرين على بلوانا |
ونسمع حكاية بعد حكاية |
جايز تصفى وتبقى مرايه |
وناكل فرخه ورا بطايه |
لسه حكاية طويلة ما خلصت |
ونسيت نفسي ورحت مسافر |
وعبيت تنكي جاز بالساهل |
وحطيت رجلي فوق الكبري |
وشفت النايم قاعد نايم |
والملكوم كله عمايل |
واللي بيصرخ وينادي عليه |
وطفل بيبكي ع الزرعية |
وحرمة تلالي غاب شعورها |
وبعلها واقف ينكل بيه |
رحت أشوفها وأسأل عنها |
لقيت الدنيا واخده اهدومها |
والطبال يحرض فيه |
كل ما أرقص يعلي الطبلة |
ويغني غناوي تقتل فيه |
واللي بيرقص عمره بيرقص |
بيت الحاوي كله أذية |
أبوه تعبان وأمه نقية |
يحكي ويزبد كله رغاوي |
والناس مقهورة وليها فتاوي |
كيف الواحد يعيش بلا قلب؟ |
ياما حاجات جو دماغي |
وراس تعبت من الطنابير |
كل ما أمشي ألاقي طوابير |
إيه الحكاية يا واكل ناسك |
عقلك راح من فناسك |
فين جيوبك فين اكياسك |
علشان تقدر امسك فاسك |
واحفظ كلمة تكون نبراسك |
حكاية طويلة مش حاتفض |
لما العاقل صار بينط |
وراح التعلب وناسب القط |
اسكت يا خي حاجة تطق |
حكاية طويلة ولسه ما خلصت |