 إبلاغ عن خطأ
ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك
انتظر إرسال البلاغ...
|
| سيدي الرئيس بعد التحيه والسلام... |
| واعذرني من غير مقدمه..ماليش في تذويق الكلام.... |
| وعشان كده مافيش مابيني وبين سيادتك اي انسجام.... |
| قصر الكلام..شكوة مواطن... |
| ضاعت حقوقه حق حق.... |
| مواطن مشكلته الوحيده... |
| إنه بدل آه ب لأ.... |
| رافض سكوته... |
| غير خطوطه.... |
| مركبه غادرت شطوطه.... |
| والقلوع حبة ورق متسطرين بدموع... |
| فيهم كلا مشروع.... |
| ضد الجهل ضد المرض ضد العطش والجوع..... |
| حبة ورق مش مختومين وماليش شعار.... |
| لا ف مره قولت تسلم ايديك ..ولا قولت جنه ولا قولت نار.... |
| كل الحكاية انى شبعت ليل ومستني طلوع النهار.... |
| يا سيد الساده الهنود.... |
| امتى العدالة تسود.... |
| امتى الحقوق هتعود.... |
| امتى هتطرح ارضنا زي اللي ماتو ورود.... |
| وازاي هنعزف حلمنا و وترنا مش مشدود.... |
| وازاي هنمشي ف دربنا والحيل صبح مهدود.... |
| كل اللي فات من عمرنا عدا وعود فى وعود... |
| يا سيد الساده الغجر ... |
| امتا هنتصنف بشر... |
| مالينا سيطرة البقر.... |
| وقربنا نهتف كلنا.... |
| فليسقط حلمنا المنشود.... |
| ولتحيا مملكة القرود.... |
| وإن جانا ع الفيل ابرهه.... |
| هنقابله ف ايدينا الورود.... |
روابط مفيدة
الشعراء:
الأعضاء:
زوار اليوم:
الزوار:
أقسام البوابة
تواصل
متابعة
