إبلاغ عن خطأ
ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك
انتظر إرسال البلاغ...
|
وبرغم قساوة الدنيا.... |
ودورانها ال ملهوش حد... |
وسخافة همها الطافح..... |
وتهلسها فى عز الجد.... |
حالف لعيش عناد فيها.... |
واطوى سنينها باديه.... |
وأدب صوابعى فى عنيها.... |
وادوسها تحت رجليه.. |
واغزل من قوافيها قصايد نور... |
تحلى مرارها فى عنيه... |
وانزع حقي في الحريه.... |
من عين اللي مانعنها..... |
وامشى فى مناكبها.... |
وانزع رزقى من عينها..... |
ولا يوم ابكى على الفايت... |
مادمت مصيرى راح اسيبها ... |
وارفع بالسلام ايدى ... |
وازرع حُب واحصدها عناقيدى... |
وعمرى ماهبقى عبد لحد..... |
ولا عمرى هقول فلان سيدى... |
ولو راح القا مليون سد..... |
انا اقوى ومش هتهد..... |
هرودها و ألجمها.. وهتنيها وهفردها... |
وهكتبها قصيدة شعر اعزيها على حالها... |
وامسح دمعها بايدها..... |
واملا بضحكى وبمرحى جوانبها... |
غدرت ياما بس خلاص قابلت اللى يغلبها... |
غروره الدنيا وغرورها مالهوش حد.... |
لكنها فارغه وهلاسه..... |
ومابتسندش وقت الجد.... |
زى البحر لو تغفل تروح فيها.... |
مابين نقيدين جزر ومد... |
انزع شوكها بالاخلاص..... |
وابدر فيها حٓب الود... |
واحصد حُب كل الناس.... |
من غير ماتاطى مره لحد..... |