تاريخ الاضافة
الثلاثاء، 27 مارس 2007 09:09:13 ص بواسطة صابر فرج
0 549
يوم كئيب الملامح
يوم كئيب الملامح
يابنت هاتى المقشه
العتمه ع السلم
واصله لحد الباب
خايف ل تدخل أوضه ورا اوضه
ونفقد الأصحاب
00
للعتمه ألف طريق،
وألفين وش
وساعات تكون شبوره ف أزازك
فأيه يكون ملاذك
وساعات تكون حروف باهته وكدابه
ناعمه نعومة الرمله فى الرجلين
لكن بتسحب معاها راحة البال
فا تشوفى كل الصور صفرة ومقلوبه
والكلمه معطوبه
وكأنها طوبه
محدوفه على وشك
دى العتمه زى الشرشره تحشك
000
يابنتى
وانتى اللى حيلتى
رتبى دارك
قيدى ف انوارك لأهل البيت
واتهجى كل الحروف
وعلمى شمالك
تصدق مع يمينك
دا الحب يبدأ مع السرسوب
وتهنينك
ل احسن ولاد البطن ماتهينك
ف يوم كئيب الملامح
وأبن حرام
إسم الشاعرالبلدإسم القسمالمشاهدات
صابر فرجمصر☆ شعراء العامية في العصر الحديث549