تاريخ الاضافة
الثلاثاء، 27 مارس 2007 07:22:03 م بواسطة صابر فرج
0 568
إلى أحد الأصدقاء
إلي أحد الأصدقاء
زعابيب امشير دايما علي طرف لسانك
وحصانك مالهوش لجام
فا ازاي بتنام
وتداعب رمشك أحلام
وازاي قادر تضحك ف وشوش الناس
وانت مخبي ف جيوبك سكاكين
وياريت مسنونه
يعنى بتعذب في قتيلك ساعة الدبح
ارحم نفسك قبل ماترحم غيرك
وادخل مرة من باب الفرح
ليه حاسس بضآلة روحك قدام الغير
مع اني ساعات بلقاك أحسن بكتير من ناس تانيه
مدهونه ألوان
لزجه زى القرموط النيلي
وتعدى وتفوت من شبكة صياد البحر المنهوك
واللى مايقدرش ع اللف وع الدوران
فياريت بدل الزعابيب اللي على طرف لسانك
القى نسايم حب وخير
إسم الشاعرالبلدإسم القسمالمشاهدات
صابر فرجمصر☆ شعراء العامية في العصر الحديث568