تاريخ الاضافة
الثلاثاء، 27 مارس 2007 07:23:42 م بواسطة صابر فرج
0 493
سابع أرض
سابع أرض
ل الليل جناحات،
بتطير بيا
لجناين مزروعه بنجوم
تغسلنى القمره بضوء فضى
وتفضى الروح من اى هموم
وارجع م الأول طفل صغير
كل الألوان فى عنيه بيضا
نايم فى سريره كأنه أمير
وامه بتقوله آدى البيضه
ويفوق ع البيض اللى اتكسر
على عتبه رخام زى المرمر
يتزحلق ويكر سلالم
والعالم غفلان
واهو نايم
ويكر
يكر
ويتدحرج
ينزل
الى
سابع
أرض
يشوف
تجار الموت
وعيون الخوف
وجاروف
ف ايدين شياطين
ويشوف أموات
شايله
مقشات
وبتكنس ف سلالم بيتهم
يدخل فى الليل
وجناين مزروعه بنجوم
ويشوف العالم متعرى
من اى هدوم
إسم الشاعرالبلدإسم القسمالمشاهدات
صابر فرجمصر☆ شعراء العامية في العصر الحديث493