إبلاغ عن خطأ
ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك
انتظر إرسال البلاغ...
|
شىء بايخ جداً |
قاعد |
مستربع |
زى الفقى الكفيف |
بيلقّط النفحه |
رغيف بلحمه ضانى |
كوباية قرفه |
نص ريال |
قاعد |
مستربع |
فى ركن ضلمه |
يمين القلب |
ممكن يبان لك |
فى صورة القديس يوحنا |
أو فى صورة خمورجى معلّق قارعته فى شفايفه |
أو فى صورة شحات ندل بعد ما تدى له يدعى عليك |
هوَّ كدا |
قاعد |
مستربع |
بشروطه |
والأقرع بياكل حلاوه |
قال إيه بفلوسه |
قاعد |
وماسكنى من ياقة جلابيتى |
كل ما احدّد شكله ... |
فى الضلمه يفر |
دى ملامحه اللى قدرت أعرفها |
لكن ممكن اسميه وارتاح |
قاعد |
مستربع |
كابس على مراوح قلبى |
شىء بايخ جداً |
اسمه الحب . |