تاريخ الاضافة
الخميس، 29 مارس 2007 01:38:11 ص بواسطة محمد أسامة
0 1120
علشان تيجى لى تانى فى الأحلام
علشان تيجى لى تانى فى الأحلام
ـــــــــــــــ
الصبيه الوحيده
اللى جايه هناك
ودموعها سبقاها ...
بتشاور لمين ؟
رابطه فيونكتها البلاستيك
وفى إيدها سبت الخضار
يا مطر ياخفيف فى خفتها
قول لى ع اللى فى قلبها
أنا مامعيش مشرط
ولاّبعرف الجروحات
لو قلت لى أنا كنت ضمتها
وخدتها فى روحى ودفتها
ياهلترى دى الصبيه ...
اللى كانت بتخطُر علىَّ فى الأحلام
وتملس على شعرى
ولاَّ دى قطه مركونه
جنب شنطه قديمه
عامل عليها العفار خرايط
آه يامطر ياحنين
بتصحى شقاوتها
وبتخليها تقابلنى
فى الشارع الضلمه
ودموعها سبقاها
لو قلت لى
لوحتى من حكايتها
انا كنت خدتها فى روحى
وسبتها عليها
تسرح لها شعرها
وتسقى وردتها
علشان تيجى لى تانى فى الأحلام .
إسم الشاعرالبلدإسم القسمالمشاهدات
مسعود شومانمصر☆ شعراء العامية في العصر الحديث1120