تاريخ الاضافة
الخميس، 29 مارس 2007 02:51:30 ص بواسطة محمد أسامة
0 1196
الوهم
الوهم
ـــــ
فى الميكروباس
دايمن باختار الكراسى الوسطانى
جنب الشبك
عشان ابص ع البنات
وهمّا خارجين م المدارس
واحتمال عشان دا أأمن مكان فى العربيه
بعيد عن جنون السواقين
وعن الرغايين فى الكنبه الأخيره
أما الاحتمال المؤكد
إنى بحب الصمت وانا مروّح
عشان استعد للمصايب
اللى ممكن تقابلنى
بعد ما مَليّت عينى بصور وناس
وحركات وشجر ويُفط وحواديت
ممكن تسميها الوهم .
إسم الشاعرالبلدإسم القسمالمشاهدات
مسعود شومانمصر☆ شعراء العامية في العصر الحديث1196