تاريخ الاضافة
الخميس، 29 مارس 2007 02:53:00 ص بواسطة محمد أسامة
0 1125
أصحابى
أصحابى
ــــــ
بحب البلكونه فى الشتا
فى ركن واسع
بتقنفد
على جسمى بالطو تقيل
وعنيّا مليانه دموع
الذكريات بتهاجم روحى
وانا بعبى الصبر فى الكيس البلاستيك
عشان ابعته الصبح لعربية الزباله
كان شكلى كوميدى
وعينى بتنطّر دموع
دلوقت بعد ما عدت السقعه
وعدت وراها الذكريات
بضحك قوى
وانا قاعد فى ركن واسع
فى البلكونه الجديده
اللى ماليتها بورد وعصافير
وشخبطه وعرايس
دول اصحابى
اللى بيلاعبونى واغنى لهم
وعمرى ماحسيت بالوحده وانا معاهم .
إسم الشاعرالبلدإسم القسمالمشاهدات
مسعود شومانمصر☆ شعراء العامية في العصر الحديث1125