تاريخ الاضافة
الخميس، 29 مارس 2007 02:55:25 ص بواسطة محمد أسامة
0 1065
هدومى بيطيرها الهوا
هدومى بيطيرها الهوا
ـــــــــ
الإيدين العريضه
اللى بتوزع الحنيه
على العيال فى الشارع
كانت بتستنانى كل يوم
على الدكه الخشب
تدينى حبة فنضام
بعديها بلحظه
بتتحول عصافير خضرا
عينى بتابع رفرفة الجناحين
وانا بجرى عشان الحقها
وبتنزل فى عينيا نقط العرق
وانا وراها بجرى
وعنيه عليها
ولما تختفى
بسأل نفسى
إيه اللى غرّق هدومى طين
وخلاّ رجلى تشلب دم
وانا قاعد على الدكه الخشب
بلحس الفنضام
وبرفرف بدراعى
وهدومى بيطيرها الهوا .
إسم الشاعرالبلدإسم القسمالمشاهدات
مسعود شومانمصر☆ شعراء العامية في العصر الحديث1065