عناوين ونصوص القصائد   أسماء الشعراء 
شعراء العامية في العصر الحديث > مصر > محمد أسامة البهائى > بنت الناس اللي تحت

مصر

مشاهدة
1204

إعجاب
0

تعليق
0

مفضل
0

الأبيات
0
إغلاق

ملحوظات عن القصيدة:

إرسال
انتظر إرسال البلاغ...

بنت الناس اللي تحت

يسموها مايسموهاش
يطولوها وماننولهاش
ماتبقاش كلمة وحلم
وبعد دا كله مانطولهاش
ولا هي الحريه لناس ناس
والناس اللي شبهنا ملهاش
البحر لوهاج مابيهداش
والريح في الزوابع مخلاش
وأنت بتعشق بنت خيالك ف الأحلام
ماشي .. أحلم
وادخل جوا الحلم مرة
لو طعم العيشة مُرة
واطلع من أوضة النوم
لو مافيهاش حريه وقوم
من حبسة زهقك البدروم
أسكن في السطح العالي
الحرية بتضيّق ع الناس
وسكان الأرضي بتتألم
وأقله هاتعرف تتكلم
تتمتع بطلوع السلم
وإن عرقك هايحر هدومك
أهي فرصه تتسلي في يومك
تهرب من كتمة بدرومك
هاتنهج وتريح ...
وهاترجع وتواصل
وإن نئحت عليك المفاصل
دلكها بأيدك وواصل
وبلاش تعوصها بتراب الترابزين
والشعبطه ع الجاهزين
صنف باتا بأبزيم
لحد مايمسحهم الناس اللي تحت
وأنت لو أرتحت فوق السطوح
وعرفت تاخد نفسك المبحوح
بكل حريه
ماتغرقش في الحلم
وتتوه
وتنسي في طلعتك للسطوح
الناس اللي غرقت في الجروح
ولا طالت سما.. ولا شافت سطوح
وأنا اللي اندبحت أكثر ما أنا مدبوح
لساني بواقي جناح بيفتش ع البناني
وحرية للخلق بكل المعاني
تبدل هروبنا من كاني وماني
حكم هروبنا ف النوم إعدام
والبحر لو نامت له نوه
تفردنا الريح قلوع وئام
وساعة مانحس في بعض بالسلام
حاتلاقى
البنت اللى اتمنيتها
حقيقة وجيالك أدامك
حوريه بتشد للحرية
زى الملاك
محمد أسامة البهائى
التعديل بواسطة: محمد أسامة
الإضافة: الخميس 2007/03/29 07:24:47 صباحاً
إعجاب
مفضلة

أضف تعليق

يجب تسجيل الدخول أو الاشتراك أو تفعيل الحساب اذا كنت مشترك لإضافة التعليق


أعلى القصائد مشاهدة للشاعر
أعلى القصائد مشاهدة خلال 24 ساعة الماضية
انتظر معالجة القصيدة ...
جميع الحقوق محفوظة لبوابة الشعراء .. حمد الحجري © 2005 - برمجة وتصميم
info@poetsgate.com