تاريخ الاضافة
الجمعة، 30 مارس 2007 03:30:34 ص بواسطة محمد أسامة
0 1210
علي باب الله
فنان فقير على باب الله
الجيب ما فيهشي ولا سحتوت
والعمر فايت بيقول آه
والقطر فايت بيقول توت
صحيتني ليه يا شاويش يا شاويش
أنا كنت سارح في الملكوت
لما بنام بحلم وباعيش
لما بفوق ما بفوقشي بموت
وتقول على كبير السن
وانا في قلبي ولد كتكوت
وتشوفني ببكي وبانعي وائن
والدنيا لسه بنت بنوت
اشمعنى قلبي ضناه الشيب
من الشقا مهري ومنكوت
قال اللي قال العيب في الجيب
والجيب ما فيهشي ولا سحتوت
والعمر فايت بيقول آه
والقطر فايت بيقول توت
علي المحطة يا ولداه
حتى المحطة كمان حتفوت
إسم الشاعرالبلدإسم القسمالمشاهدات
فؤاد حدادمصر☆ شعراء العامية في العصر الحديث1210