عناوين ونصوص القصائد   أسماء الشعراء 
الشعراء الأعضاء .. عامِّي > السعودية > خالد الهدباني > الصمان

السعودية

مشاهدة
216

إعجاب
0

تعليق
0

مفضل
0

الأبيات
0
إغلاق

ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك

إرسال
انتظر إرسال البلاغ...

الصمان

يا صباحاً ممتلي بالغيم جوّه
ساقه الرحمن من صدق الدعاوي
عل تسقى الارض من همّال نوه
مزنةٍ من وقعها العشب امتساوي
يدهل الصمان في بادي نشوّه
ويذكرونه بالسعيره والصداوي
وبأول الصلب الحمر حتى تلوّه
يملي العد القريب والقصاوي
منوة مطيرياً تسوقه حموّه
يرتوي الصمان من كل النحاوي
ثم تنقى له من الأجواد خوه
وادخلوا في خايعٍ برقه سناوي
سفط الجيب الجديد وشب ضوه
وزهب اللي بنها راسه تداوي
وساق فنجاله على زود الحفوه
وأردف الفنجال بالتمر الحساوي
للرجال أهل الوفا واهل النقوه
والجناب السمح والمد الرهاوي
والقرامه والشهامه والمروه
والحجاج الطلق والقلب الصفاوي
والجماله والشكاله والسموه
والقبال الزين والطبع الحياوي
والكلام اللي ترك كل ما يسوه
مستقيم وذرب ماهو بإمتلاوي
والغدا قد قام له خازم عدوه
كبر وسما على الأمر السماوي
ثم نحر طليه بعزم وجروه
جرة السكين مودعته شلاوي
بخايعٍ ما شيئً يعكر هدوه
مابه إلا أم سالم تجر الغناوي
خايعٍ ماهو من الناس متشوه
ماوصله ولا رثع فيه الشواوي
كنه بصمته عن الماضي ينوه
من يظن إنه بلا تاريخ غاوي
خايعٍ. لو قدّر الله يتفوه
طوّح بصوت العزاوي والنخاوي
يذكر الصيحات في يوم العتوه
عزوة الشجعان مبعدة الهقاوي
ما نسى ربعٍ تمشوا في علوّه
ضمهم بطنه .. ماعاد إلهم مخاوي
ولا نسى ربعٍ تغنوا فيه هوّه
من حنيف وزيد وفجحان الفراوي
مانسى حمر النظر أهل السطوه
من فعايلهم تهوّل كل راوي
خايعٍ لوه بدون مطير لوه
كان كلٍ صوبه يحث الخطاوي
مير تدري الناس بإن مطير قوه
لابة بالهوش ماترحم وتاوي
ذي طراة العمر دام العمر توه
ومنوة مطيرياً بداره غناوي
خالد الهدباني
التعديل بواسطة: خالد الهدباني
الإضافة: الاثنين 2020/11/30 12:05:46 مساءً
التعديل: الاثنين 2020/11/30 12:05:59 مساءً
إعجاب
مفضلة
متابعة

أضف تعليق

يجب تسجيل الدخول أو الاشتراك أو تفعيل الحساب اذا كنت مشترك لإضافة التعليق


أعلى القصائد مشاهدة للشاعر
أعلى القصائد مشاهدة خلال 24 ساعة الماضية
انتظر معالجة القصيدة ...
جميع الحقوق محفوظة لبوابة الشعراء .. حمد الحجري © 2005 - برمجة وتصميم
info@poetsgate.com