ما يعذرَب المجلس بقل الرياجيل | |
|
| لأن الزمن فيه الرياجيل قلّوا |
|
ولا هو بحاجة تكملة لاش وخبيل | |
|
| اللي ليا فتحوا فميهم تبلّوا |
|
ماهو بمدهالٍ سوى للمشاكيل | |
|
| اللي على المنهاج صاموا وصلّوا |
|
واللي سوالفهم عدالٍ عن الميل | |
|
| واللي صعيبات المواضيع حلّوا |
|
واللي مجالسهم بها البن والهيل | |
|
| و زودٍ على طيب التراحيب .. هلّوا |
|
لا سيقت الدله لروس الحلاحيل | |
|
| والريق من بن البغاديد بلوّا |
|
وجلا عماس الراس بعد الفناجيل | |
|
| وتناولوا تمر الحسا واسفهلّوا |
|
تجاذبوا جزل القصيد وتماثيل | |
|
| ومعانيِ منها الكرام استدلّوا |
|
ماهي خرابيطٍ قليلة محاصيل | |
|
| ولاهي خطاة اخذوا بعضها وخلّوا |
|
وش لي بشوفه بارد الوجه والحيل | |
|
| راسٍ حريم البيت فوقه تعلّوا |
|
ما اعرّض الاجواد هرج المهابيل | |
|
| اللي على نقل النمايم تسلّوا |
|
خطو الرخوم الباردين المباديل | |
|
| لا اوحوا سواليف الرياجيل ملّوا |
|
يأتون دام إن الدعاوي تساهيل | |
|
| واذا دعيت بموقفٍ صعب ذلّوا |
|
|
|
| وناسٍ من فعول المراجل تحلّوا |
|
والمجلس اللي يجمع الراس بالذيل | |
|
| شاموا ترى الاجواد عنه وتخلّوا |
|
إبلاغ عن خطأ
روابط مفيدة
الشعراء:
الأعضاء:
زوار اليوم:
الزوار:
أقسام البوابة
تواصل
متابعة
