تاريخ الاضافة
السبت، 31 مارس 2007 04:39:22 ص بواسطة محمد أسامة
0 2161
العامل المصري
ليه أمشي حافي ، و نا منبت مراكيبكم
ليه فرشي عريان ، و نا منجد مراتبكم
ليه بيتي ، خربان و نا نجار دواليبكم
هي كده قسمتي ؟
الله يحاسبكم
ساكنين علالي العتب ، و نا اللي بانيها
فارشين مفارش قصب ، ناسج حواشيها
قانيين سواقي دهب ، و نا اللي ادور فيها
يا رب ما هوش حسد
لكن بعاتبكم
من الصباح للمسا ، و المطرقة ف إيدي
صابر على دى الأسا ، حتى نهار عيدي
ابن السبيل انكسى ، و اسحب هرابيدي
تتعروا من مشيتي
و اخجل أخاطبكم
ليه تهدموني و نا اللي عزكم باني
أنا اللي فوق جسمكم قطني و كتاني
عيلتي في يوم دفنتي ما لقيتش أكفاني
حتى الأسيه ، و نا راحل و سايبكم
إسم الشاعرالبلدإسم القسمالمشاهدات
بيـرم التـونسىمصر☆ شعراء العامية في العصر الحديث2161