تاريخ الاضافة
السبت، 31 مارس 2007 04:58:07 ص بواسطة محمد أسامة
0 1805
مناجاه
قريت و مليت كفايه
خوف السقوط و البطاله
و كل ما ازداد قرايه
بالدنيا أزداد جهاله
يا طالب العلم تنداس
لو يبقى علمك بضاعه
تنفع و تستنفع الناس
لو كنت صاحب صناعه
يا عالم العلم بالله
يزيد في نور البصيره
و اللي استنارت نواياه
يلقى الذهب في الحصيره
ان كنت تطلب رضى الله
يجعل لك الناس عبيدك
و ان كنت تطلب رضا الناس
أقلهم يبقى سيدك
الحلم و الصبر كنزين
روتشيلد محتاج إليهم
و اللي يقولوا الكنوز فين
ابكي يا عيني عليهم
إسم الشاعرالبلدإسم القسمالمشاهدات
بيـرم التـونسىمصر☆ شعراء العامية في العصر الحديث1805