تاريخ الاضافة
الثلاثاء، 3 أبريل 2007 05:52:20 م بواسطة صابر فرج
0 557
ثلاثية العبو ر والنصر
ثلاثية العبور والنصر)
(1) النيل زغاريد 0
ومشيت المشوار المغصوبه عليه رجليا
مش واخد غير شنطة كتبى ف أيديا
مع كام تغيرهº
وبطاقتى الشخصيه
مع أول صفاره من القطر
قلبى اتقطّعº
واتهربد
م القهر
" نــده الوابور ع السفر/ وفــرّق الاحبــــاب"
" شال من طريقنا القمر/ ولاعاد لنا أبـــواب"
كان نفسى ارجع للبيت المتكوم نصه ع النص التانى
ارجع للجبانه
واقرا الفاتحه º
على ابويا، وأمى ، وأصحابى
واتسحب بيا القطر لقدام
كل مايجرى مسافه
ارجع جوا الماضى مسافات
" القانى راكب عجله
لجل مااروح واتقابل ويا البنت اللىمخبيه عنوانها
لحد الآن
البنت º الشمسه اللى بتدفى عروقى ف عز البرد
والقى ف بسمتها كل الألوان
الضله والتكعيبه
ام النسمات عناقيد وامان
ام التراتيل تحنان
واتسحب بيا القطر لقدام
كل مايجرى مسافه
ارجع جوا الماضى مسافات
"والقانى واقف ع الشط
مستنى ابويا راجع من رحلة صيد
وبمنى الروح º بالهدمه ف ليلة العيد،
دلوقتى ماعدشى بيصطاد
الدانه نزلت ع المركب ف الحرب
واتسحب بيا القطر لقدام
ودانى لأعمامى
وسبت جدورى هناك
ف البيت المتكوم نصه ع النص التانى
والمركب الغرقان ف البحر
والبنت اللى مخبيه عنى العنوان
" وفتحت الراديو00
كل العالم زعلان00
وبيان بيشد بيان
وانا حاسس بالتوهه
قدام ضعف الانسان
وتعدى الست سنين وانا بنزف
واستنزف
واتهيأ للعالم كله
انى رضيت بزيارة قبر الشهداء والجندى المجهول
وانى اضعف م اللى اسمه بارليف
الخط القاتل
والمانع
والمسكون
ومدينتى مهاجره معايا 00 فين ما اروح
وجميع شوارعها،
ونواصيها ،
ضلمه،
مافهاش الروح
حتى الطير ف سماها،
حزين،
وجناحه مجروح0
" اتعاجب واتبـــاهى/ ياعــدوى المغــرور"
" انا ارضى وسماها/ مهما نساها النـــور"
" بكره أكيد حتعــدى / بعلمها المنصــــور"
ولاهانشى على رجالة الأفرول الكاكى
الحزن الساكن ف عيونى
او ان سمانا تعدى عالأرض اللى احنا عليها ،
من غير ميه ونور
وف عز صيامنا
وف عز الحر
انطلق المارد ع الخط
وهد السور
حطم بارليف المغرور
رجعنى لمدينتى
وانا منصور
وركبت العجله من تانى
ورحت أشوف،
البنت الشمسه
والتكعيبه والعناقيد
اللى أخدتنى ف أحضانها
ورجعت ف لحظه وليد
وبدون أناشيد
اتحقق حلمى بالأيد
ورجعت لبيتى المتكوم نصه ع النص التانى
وبنيته جديد
واتأكد جوا عقول الدنيا
ان المصرى عنيد
وف عز ماحس العالم موته
كان هوه بيكتب ف تاريخ العيد
ومخبى ف أرضه
نيل زغاريد0
(2) وحشانى بوستك من سنين
بوسينى ف خدودى
وحشانى بوستك من سنين يامه
من يوم ماراحت ضفتى منى
يوم ما السكات اندق ف جدورى
يوم ماالسواد خيم على خيمتى
قطع الحبال م الوتد
وحلفت يومها،
بس مع نفسى
ل آخد بتار أمسى
عارف باانك جوعتى علشانى
واتهنتى
لكن ومن يومى
صابر على قومى
وشوفينى دلوقتى وانا بعدى
واسبق ف اخوانى
واهد جبل التراب بأيديا وسنانى
والمارد اللى انطلق جوايا مش هايب
ولاعمره كان خايب
جيشك وانا منه
حالف برب السما
ل الأرض ترجعلك
والعزه ترجعلك
ومافيش بديل عندنا
يا النصر أو نهلك
وصحيح كتير مننا ، استشهدوا فيكى
لكنه كان واجب
وانا أبنك البكرى
وانتى اللى ولدانى
ومهما اموت ف حروب
برجع واعود تانى
أشقى من الأول
لايهمنى ساتر
ولا من دانات تنزل
فا ارتاحى ياجدودى
وبوسينى ف خدودى
وحشانى بوستك من سنين يامه0
(3)
الدخول فى بوابات بكره
0 ياطينك
سوسنه، وحنه
ونيلك،
سلسبيل الروح
اخدنى الشوق ف يوم عيدك
اغنى بصوتى مواويلك
والضم لك قناديلك
وافرّج كل اولادى ، فى يوم النصر تصاويرك
جنودك يسلموا م العين
بروحهم راحوا لعدوك
وفكوا الاسر بدماهم
ولابخلوا بتحريرك
وارجع بالزمن مسافات
واحكى ع اللى عدى وفات
عن الجرح اللى عشش جوا ارواحنا
سنين سته تغيب فيها مطارحنا
ويسكن بوم هزيمتناملامحنا
وشوقنا للضيا ،
تايه ف عتمة ليل
ونام الحق ف جرابه
وتاه الحرف ف كتابه
ماعدش يلم اصحابه
ويكتبنا
وشهواتناº
كما شهوة بذور الخير لسطح الأرض
عشان لون الخضار مايكون
عشان السنبله تقابل مناجل جرحنا وتهون
وندخل بوابات بكره
فا دارت ف العقول فكره
وكان الصمت ملازمنا
وشجر الصبر يعزمنا
وكان العالم الأول ،
شطب من كل اوراقه،
عزيمة جندنا المصرى
لانه(بديله) هازمنا
وعودك ياابنى كان متنى
واشوف الحزن ف عيونك
يموتنى
والملم فيا أشلائى
ونهر دموع ف أحداقى
وابارك ف اللى كان باقى
رفعت الراس دعيت لله
يقوينى وينصرنى
لقيتك زى مافى ظنى
أسد كاسر ، وفيك منى
وتندهنى،
وبتقولى أخدت التار
ووقف العالم المذهول،
ومش عارفين بأن المصرى ف تاريخه
جنوده ف الحروب
بتصول
لاعمر جندنا، بتخاف،
ولابتهاب
وأصبح اسمه منذ الآن
صبور
ومهاب0
إسم الشاعرالبلدإسم القسمالمشاهدات
صابر فرجمصر☆ شعراء العامية في العصر الحديث557