تاريخ الاضافة
الخميس، 5 أبريل 2007 02:10:05 م بواسطة لبنى
0 898
اكبح جماح الشوق يا قلب ترتاح
اكبح جماح الشوق يا قلب ترتاح
حسبك مصايب حـادثات الليالي
ما كن مرت تباريح واتراح
ولا ذقت من بلوى زمانك نكالي
ما للجلاده عن مراميك تنزاح
والصبر ما تعطيه بعض المجالي
عودتني ما تخلط الجد بمزاح
ولا تراوغ في صحيح المقالى
شف كيف عمقت المآسي والجراح
و اشغلتني من عقب ما كنت خالى
وانا الشقي بك بين مسري ومرواح
يمكدرٍ بالهم بالك وبالي
أراك تبحث عن خيالات و اشباح
يا قلب من عز الحبيب المثالي
لا لا تعيد الي مضى لي مضى راح
ما ينفع الترقيع في ثوب ثوب بالى
ولا تستوي في مطلب الود لحاح
يا قلب بـا ترخص ولو كنت غالى
عواصف الهجران بالحيل تجتاح
وش تنتظر غير الوهم والخيالي
من قلب خلك ودنا ذات و انماح
حسيبك الله ما تراعي لحالي
من هان ذل و ذلة النفس يا صاح
على العزيز الحر أكبر وبالي
ما أقدر اطفي نار الأشواق بصياح
واشمت اللي بالوفا ما يبالي
يا ابو جبينٍ في دجى الليل وضاح
نجل العيون اللي سحرهن حلالي
والقد غصنٍ دون الأنسام مياح
يسلب قلوب أهل السمو والجلالي