تاريخ الاضافةتاريخ التعديل
الجمعة، 6 أبريل 2007 07:36:05 ص بواسطة د . حمد العصيميالسبت، 31 ديسمبر 2016 02:06:21 ص بواسطة حمد الحجري
0 788
وينك يا عمر؟!
حلم النظر طول العمـر ماغـادر اذهـان الكفيـف
وانا الكفيف اللـي تحاصـر ذهنـه أحـلام النظـر
نصف العمر عشته ضرير أعمى على جنب الرصيف
والنصف الاخر صرت أ عيشه في رجى حلم العمر
اذكر قطيع الريـم وانشـد عنـك يـا وادي ثقيـف
وانت اختفيت من الخريطـة كـن مـا باقـي اثـر
من ينصف اوراق الشجر من بعثرة فصل الخريـف
ويكبـل يديـن الخريـف ويجمـع اوراق الشـجـر
يا شجرة الصفصـاف أوراقـك تساقطهـا مخيـف
طاح الورق واستوحشت قمريـة الغصـن الخضـر
استوحشـت قمريـة الـوادي وغنـت يـا لطيـف
وانا وقفـت اسمـع لحنهـا واستمـع لـه واعتبـر
اثر الطيور تحس با الوحشـه بعـد فرقـا الوليـف
واثر الحنيـن يهـز قلـب الطيـر وقلـوب البشـر
يـا سيـدة كـل البنـات ودرة الجنـس اللطـيـف
يـا دانـة مـا جابهـا بحـار مـن سابـع بـحـر
اما اقبليني ضيف دائـم واكرمـي مثـواي ضيـف
والا افتحي بـاب الصـدود وقفلـي بـاب العـذر
احسني اضعف قوي واحـس بـك اقـوى ضعيـف
والريح خلف النافـذة تعـوي وانـا تحـت المطـر
كيف انتظر والانتظار امضى من السيـف الرهيـف
والعمر يمضـي والثوانـي جمـر والساعـة دهـر
لقيت مفتاح الفـرج فـي قبضـة الصبـر العنيـف
لكـن ويـن القـى ولـو دورت مفتـاح الصبـر؟
الصبر اقلـه حـد خنجـر قاطعـه واقـواه سيـف
اشـده المـوت البطـي واقلـه المـوت الحـمـر
قلت له انا راع الشـداد وردنـي صـوب الرديـف
وان شاف عينـي للشـداد يـدق ناقـوس الخطـر
الوذ به لـوذة طريـد القـوم فـي وجـه الحليـف
ويردنـي بيـن الرجـا واليـاس لقيـود الاســر
جيته وانا خوفي على صدري من طعـون العطيـف
واقفيت من عنده وبي عشريـن طعنـه فـا الظهـر
والظلـم للعاشـق قهـر والعـدل للمظلـوم ريـف
من جرب الحجاج صاح وقـال وينـك يـا عمـر؟
إسم الشاعرإسم الكاتبالبلدإسم القسمالمشاهدات
حمد العصيميحمد العصيمي عاميالسعودية☆ شعراء العامية في العصر الحديث788